ភ្នំពេញក្រោន កំពុងចរចាជាមួយកីឡាករ នៅលីគថៃ

2018-12-04 04:37:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកចាត់ការក្រុមវ័យក្មេង កែវ សុខង៉ន បានបង្ហើបថា ក្លឹបបាល់ទាត់ ភ្នំពេញក្រោន កំពុងចរចាទិញកីឡាករបរទេស ដែលកំពុងលេងនៅថៃប្រហែល ២ ឬ ៣នាក់ ហើយដំណើរការចរចានេះ អាចសម្រេចនាពាក់កណ្ដាលខែធ្នូនេះ ឬខែមករា ឆ្នាំ ២០១៩ ខាងមុខ។ នេះបើតាមការចុះផ្សាយរបស់គណៈកម្មការប្រកួតបាល់ទាត់ជាតិកម្ពុជា កាលពីថ្ងៃទី៣ធ្នូ។

កែវ សុខង៉ន អ្នកចាត់ការក្លឹបភ្នំពេញក្រោន (រូបថត៖ Phnom Penh Crown)

អតីតខ្សែប្រយុទ្ធជម្រើសជាតិ រូបនេះបញ្ជាក់ថា កីឡាករបរទេស ដែលក្លឹបភ្នំពេញក្រោន ចរចាមានស្បែកស កូរ៉េ ឬ ជប៉ុន ឬ កីឡាករ ស្បែកខ្មៅ ដែលពួកសុទ្ធតែលេងនៅថៃ។

សូមជម្រាបថា ក្លឹបភ្នំពេញក្រោន កំពុងធ្វើការពង្រឹងក្រុម បន្ទាប់ពីបានបញ្ចប់រដូវកាល២០១៨ នៅចំណាត់ថ្នាក់ទី៥។ កាលពីខែតុលា ក្លឹបបានតែងតាំងលោក Leonardo Vitorino ជាគ្រូបង្វឹកថ្មី ដែលធ្លាប់មានបទពិសោធជាមួយក្រុមជម្រើសជាតិកម្ពុជា ព្រមទាំងធ្លាប់ដឹកនាំក្លឹបនៅប្រទេសថៃ និងឡាវ ផងដែរ៕

អត្ថបទ៖ លាភ.