អតីតក្លឹបរបស់ ចាន់ វឌ្ឍនាកា ប្រកួតទល់នឹង វិសាខា

2019-01-08 03:46:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់វិសាខា នឹងធ្វើការប្រកួតមិត្តភាពអន្ដរជាតិ ជាមួយអតីតក្លឹប កីឡាករជម្រើសជាតិកម្ពុជា ចាន់ វឌ្ឍនាកា ដែលធ្លាប់រួមរស់ជាមួយគឺ PAHANG FA នៃលីគកំពូលម៉ាឡេស៊ី នាវេលាម៉ោង ៥ល្ងាចថ្ងៃទី៨ ខែមករា ឆ្នាំ២០១៩ នៅមជ្ឈមណ្ឌល Buriram Training Centre ប្រទេសថៃ។ នេះបើតាមវេបសាយក្លឹប វិសាខា ចុះថ្ងៃទី៧ ខែមករា ឆ្នាំ២០១៩។

កីឡាករក្លឹប Pahang កំពុងហ្វឹកហាត់ (រូប៖ Pahang FA)

សូមបញ្ជាក់ថា វិសាខា (ក្រុមធំ) បានធ្វើដំណើរទៅដល់ក្លឹប Bangkok Glass ប្រទេសថៃ ដោយសុវត្ថិភាពហើយ នៅល្ងាចថ្ងៃទី៧ ខែមករា ដើម្បីបោះជំរុំហ្វឹកហាត់ និងធ្វើការប្រកួតមិត្តភាពអន្ដរជាតិមួយចំនួន សម្រាប់ត្រៀមរដូវកាលថ្មី នៃលីគកំពូលកម្ពុជា និងពានរង្វាន់ Hun Sen Cup លើកទី១៣ ឆ្នាំ២០១៩ ខាងមុខ។

តាមការបញ្ជាក់របស់លោក ហុក សុជីវ័ន គ្រូបង្គោលរបស់ក្លឹបបាល់ទាត់វិសាខា បន្ទាប់ពីធ្វើដំណើរមកដល់ប្រទេសថៃ កីឡាករទាំងអស់ នឹងធ្វើការហ្វឹកហាត់ និងប្រកួតមិត្តភាពផ្លូវការដំបូង នាល្ងាចថ្ងៃអង្គារនេះ ដោយត្រូវជួបក្រុមជើងខ្លាំងរបស់ម៉ាឡេស៊ី PAHANG FA ។ រីឯការប្រកួតមិត្តភាពបន្ទាប់ គឺស្ថិតក្នុងផែនការនៅឡើយ ខណៈការបោះជំរុំ ដើម្បីត្រៀមរដូវកាលថ្មីនេះ គ្រោងនឹងបញ្ចប់នៅថ្ងៃទី១៨ ខែមករាខាងមុខ៕