ជំនួយមនុស្សធម៌របស់អាមេរិក ទៅដល់ហើយ តែប្រធានាធិបតីវេណេហ្ស៊ុយអេឡា មិនព្រមទទួល
- 2019-02-08 06:38:21
- ចំនួនមតិ 0 | ចំនួនចែករំលែក 0
ជំនួយមនុស្សធម៌របស់អាមេរិក ទៅដល់ហើយ តែប្រធានាធិបតីវេណេហ្ស៊ុយអេឡា មិនព្រមទទួល
ចន្លោះមិនឃើញ
រថយន្តដឹកអាហារ និងថ្នាំពេទ្យ ដែលជាជំនួយមនុស្សធម៌របស់អាមេរិក ផ្តល់ឱ្យប្រជាជនវេណេហ្ស៊ុយអេឡា បានទៅដល់ក្រុងCucuta ប្រទេសកូឡុំប៊ី (ព្រំដែនកូឡុំប៊ី-វេណេហ្ស៊ុយអេឡា) ហើយ ប៉ុន្តែយោធាវេណេហ្ស៊ុយអេឡា មិនព្រមបើកទ្វារទទួលយកនោះទេ។
សូមជម្រាបថា ជំនួយមនុស្សធម៌របស់អាមេរិកនេះ ធ្វើឡើងតាមការស្នើសុំរបស់មេដឹកនាំបក្សប្រឆាំងវេណេហ្ស៊ុយអេឡា ដោយព្រមានថា ប្រជាជនជាច្រើនកំពុងប្រឈមមុខនឹងសេចក្តីស្លាប់ ប្រសិនបើគ្មានជំនួយបរទេសទេនោះ។ ប៉ុន្តែប្រធានាធិបតីលោក នីកូឡាស ម៉ាឌូរ៉ូ បានអះអាងថា ប្រទេសលោកពុំមែនជាអ្នកសុំទាននោះទេ ហើយបានច្រានចោលមិនទទួលយកជំនួយណាមួយរបស់អាមេរិកឡើយ។
បើតាមការប៉ាន់ស្មានរបស់អង្គការសហប្រជាជាតិ ប្រជាជនវេណេហ្ស៊ុយអេឡា ប្រមាណ ៣លាននាក់ បានរត់គេចចេញពីប្រទេស ចាប់តាំងពីឆ្នាំ២០១៥មក ដោយសារតែកង្វះខាតអាហារ និងថ្នាំពេទ្យ ប្រព័ន្ធដឹកជញ្ជូន សុខាភិបាល និងការធ្លាក់ចុះយ៉ាងគំហុកនៃសេដ្ឋកិច្ចប្រទេសនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
