លំដាប់លេខរៀងគណបក្សនៅលើសន្លឹកឆ្នោត សម្រាប់ការបោះឆ្នោតជ្រើសរើសក្រុមប្រឹក្សារាជធានី

2019-03-19 09:14:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណៈកម្មាធិការជាតិរៀបចំការបោះឆ្នោតនៅរសៀលថ្ងៃទី១៩ ខែមីនា ឆ្នាំ២០១៩នេះ បានធ្វើពិធីចាប់ឆ្នោតកំណត់លំដាប់លេខរៀងគណបក្សនយោបាយនៅលើសន្លឹកឆ្នោត សម្រាប់ការបោះឆ្នោតជ្រើសរើសក្រុមប្រឹក្សារាជធានី-ខេត្ត-ក្រុង-ស្រុក-ខណ្ឌ អាណត្តិទី៣ ឆ្នាំ២០១៩ នៅទីស្នាក់ការលេខាធិការដ្ឋាននៃគណៈកម្មការរៀបចំការបោះឆ្នោតរាជធានីភ្នំពេញ។

ជាលទ្ធផល នៃការចាប់ឆ្នោតកំណត់លំដាប់លេខរៀងគណបក្សនយោបាយនៅលើសន្លឹកឆ្នោត ដោយ [ខ្លីៗ] សូមលើកយកតែរាជធានីភ្នំពេញ មកបង្ហាញដូចខាងក្រោម៖

-គណបក្សយុវជនកម្ពុជា លេខរៀងទី១

-គណបក្សសញ្ជាតិកម្ពុជា លេខរៀងទី២

-គណបក្សឆន្ទៈខ្មែរ លេខរៀងទី៣

-គណបក្សប្រជាជនកម្ពុជា លេខរៀងទី៤

-គណបក្ស ហ៊្វុនស៊ិនប៉ិច លេខរៀងទី៥។

សូមជម្រាបថា ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៣ នឹងប្រព្រឹត្តទៅនៅថ្ងៃទី២៦ ខែឧសភា ឆ្នាំ២០១៩ ខាងមុខនេះ។ អ្នកបោះឆ្នោតសម្រាប់ការបោះឆ្នោតជ្រើសរើសក្រុមប្រឹក្សានេះ គឺជាសមាជិកក្រុមប្រឹក្សាឃុំ សង្កាត់ នៅក្នុងមុខតំណែង ដែលមានសមាជិកសរុបចំនួន ១១ ៥៧២ នាក់ នៅទូទាំងប្រទេស៕

អត្ថបទ៖ សោភា