ថ្ងៃនេះ CPP ធ្វើពិធីប្រារព្ធខួបលើកទី៦៨ នៃថ្ងៃបង្កើតគណបក្ស

2019-06-28 04:27:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាព្រឹកថ្ងៃទី២៨ ខែមិថុនា ឆ្នាំ២០១៩ គណបក្សប្រជាជនកម្ពុជា បានធ្វើពិធីប្រារព្ធខួបគម្រប់៦៨ឆ្នាំនៃថ្ងៃកំណើតគណបក្ស នៅមជ្ឈមណ្ឌលកោះពេជ្រ។ ពិធីនេះធ្វើឡើងក្រោមអធិបតីភាព សម្តេច ហេង សំរិន ប្រធានកិត្តិយសគណបក្ស និងជាប្រធានរដ្ឋសភា សម្តេច ហ៊ុន សែន ប្រធានគណបក្ស និងជានាយករដ្ឋមន្រ្តី ព្រមទាំងសមាជិក សមាជិកាគណបក្សរាប់ម៉ឺននាក់។

តាមការថ្លែងរបស់សម្តេច ហ៊ុន សែន បានឱ្យដឹងថា «គណបក្សប្រជាជនកម្ពុជា» ដែលនៅគ្រាដំបូងមានឈ្មោះថា «បក្សប្រជាជនបដិវត្តន៍ខ្មែរ» មានប្រភពកើតចេញពីចលនាតស៊ូស្នេហាជាតិរបស់ប្រជាជនកម្ពុជា ប្រឆាំងរបបអាណានិគមនិយមបារាំងដើម្បីឯករាជ្យជាតិ ហើយបានពុះពារឆ្លងកាត់រាល់ឧបសគ្គច្រើនរាប់មិនអស់នៅលើកំណាត់ផ្លូវយ៉ាងវែង និងបត់បែនបំផុតនៃប្រវត្តិសាស្រ្តកម្ពុជា រហូតធ្វើឱ្យប្រទេសជាតិ និងប្រជាជនទទួលបានសន្តិភាព និងមានការអភិវឌ្ឍនាពេលបច្ចុប្បន្ននេះ៕