រកឃើញឆ្អឹងដាយណូស័រ នៅបារាំង

2019-07-26 01:57:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកស្រាវជ្រាវបារាំង បានរកឃើញឆ្អឹងភ្លៅមួយរបស់សត្វដាយណូស័រ ក្នុងសប្តាហ៍នេះ ក្នុងអំឡុងការជីកកកាយមួយនៅភាគនីរតីនៃប្រទេសបារាំង ខណៈដែលតំបន់នេះ ក៏ធ្លាប់មានសាកសពសត្វធំៗត្រូវបានគេរកឃើញនាពេលកន្លងមកផងដែរ។

រូបថត៖ វិបសាយ Channel News Asia

ឆ្អឹងភ្លៅប្រវែង ២ម៉ែត្រនេះ ត្រូវបានរកឃើញនៅទីតាំង Angeac-Charente ដោយត្រូវបានអ្នកស្រាវជ្រាវជឿជាក់ថា ជារបស់ដាយណូស័រ កវែង និងកន្ទុយវែង ឬហៅថា Sauropoda ស្ថិតនៅចុងសម័យ Jurassic ពោលគឺប្រមាណ ១៤០លានឆ្នាំមុន។

លោក Ronan Allain អ្នកស្រាវជ្រាវនៅសារមន្ទីរប្រវត្តិសាស្រ្តជាតិក្រុងប៉ារីស បានថ្លែងប្រាប់ Reuters ថា៖ «នេះគឺជាការរកឃើញដ៏ធំមួយ។ ខ្ញុំពិតជាមានការភ្ញាក់ផ្អើលជាពិសេស ដោយសភាពល្អនៃឆ្អឹងភ្លៅនេះ។ ទាំងនេះ គឺជាសត្វ (ដាយណូស័រ) ដែលអាចមានទម្ងន់ពី ៤០ ទៅ ៥០តោន»។

លោក Allian បានឱ្យដឹងបន្ថែមថា ចាប់តាំងពីឆ្នាំ២០១០មក ការស្រាវជ្រាវនៅតំបន់នេះគឺបានរកឃើញផូស៊ីលជាង ៧៥០០ ដែលជារបស់សត្វជាង ៤០ប្រភេទផ្សេងគ្នា ដែលធ្វើឱ្យទីនេះ ក្លាយជាកន្លែងរុករកដ៏ធំបំផុតនៅអឺរ៉ុប៕

ប្រភព៖ Channelnewsasia ប្រែសម្រួល៖ សំភី