កីឡាករឈ្នះពានច្រើនជាងគេ បង្ហើបមួយឲ្យឃ្លាឲ្យប្រជាជនប្រេស៊ីលកាន់តែស្រលាញ់

2019-08-09 03:44:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Dani Alves ដែលជាប់ឈ្មោះជាកីឡាករឈ្នះពានច្រើនជាងគេក្នុងប្រវត្តិសាស្ត្រ បានសម្រេចចិត្តមិនទទួលយកសំណើរពីក្លឹបធំៗនៅអឺរ៉ុប ដោយត្រឡប់ទៅលេងឲ្យក្លឹប Sao Paulo នៅស្រុកកំណើតឯប្រទេសប្រេស៊ីលវិញ។

Alves

Alves បានប្រាប់ទៅអ្នកគាំទ្រជាង ៤ ម៉ឺនក្នុងពិធីបង្ហាញខ្លួននោះថា "ខ្ញុំមកទីនេះ ដើម្បីប្រឹងប្រែងធ្វើការ នឹងជួយក្រុមតាមលទ្ធភាពដែលអាចធ្វើបាន មិនមែនមកបញ្ចប់អាជីពនោះទេ។ ខ្ញុំមានគោលដៅធំមួយ ហើយក៏ជាក្ដីស្រមៃរបស់ក្លឹប Sao Paulo ផងដែរ។”

អ្នកគាំទ្រអបអរ Alves ពេលត្រឡប់មកលេងនៅទឺកដីកំណើតវិញ

កីឡាករវ័យ ៣៤ ឆ្នាំនេះបន្ថែមថា រូបគេចង់មានឈ្មោះលេងនៅ World Cup ឆ្នាំ ២០២២ ដែលនឹងធ្វើឡើងនៅប្រទេសកាតា ទោះបីជាអាយុច្រើនហើយក៏ដោយ។ Alves និយាយថា "ខ្ញុំដឹងថាវាពិបាកណាស់ ប៉ុន្តែខ្ញុំជឿជាក់លើការតាំងចិត្តនិងបទពិសោធន៍ក្នុងបាល់ទាត់កន្លងមក។

បញ្ជាក់ដែរថា Alves បានចាកចេញពីក្លឹប PSG ដោយកាន់កំណត់ត្រា បានក្លាយជាកីឡាករបាល់ទាត់ដំបូងក្នុងប្រវត្តិសាស្ត្រ ឈ្នះពាន៤០ក្នុងអាជីពរបស់ខ្លួន។ ក្នុងនោះមានពាន Champions League Winner ៣ ដង, ៦x Spanish Champion, ៥x Spanish Cup Winner, ៥x Spanish Super Cup winner, ១x Italian champion, ១x Italian Cup winner, ២x French champion, ១x French Cup winner, ១x French League Cup winner, ៣x FIFA Club World Cup winner, ២x UEFA Cup winner, ១x Copa América winner, ២x Confederations Cup winner, ១x Under-20 World Cup champion, ៤x UEFA Supercup winner និងឈ្នះពាន French Super Cup winner ២ដង៕