ក្រុម U18 កម្ពុជា បាន​ប្រកួតចាញ់​ ក្រុម U18 សិង្ហបុរីដោយ​លទ្ធផល ០-១ ក្នុង​ពានរង្វាន់ AFF U18 Championship 2019 ពូល B ជើងទី៤ ដែលទើបតែបញ្ចប់​អម្បាញ់មិញនេះ។

លទ្ធផលនេះ ​បាន​ធ្វើឱ្យ​កម្ពុជា ត្រូវធ្លាក់ដោយ​ស្វ័យប្រវត្តិ ពោលគឺ​នៅសល់​មួយ​ប្រកួត​បង្គ្រប់កិច្ច​ជាមួយ​ម្ចាស់ផ្ទះ​វៀតណាម ដែល​ធ្វើឡើង​នៅយប់ថ្ងៃទី១៥ ខែសីហា ឆ្នាំ​២០១៩។

ចំណែក​សិង្ហបុរី បើទោះបីជាឈ្នះ​កម្ពុជា ក៏ធ្លាក់ដោយស្វ័យប្រវត្តិផងដែរ ដោយ​មាន ៤ពិន្ទុ​ក្នុងដៃតែប៉ុណ្ណោះ ខណៈ​ម៉ាឡេស៊ីមាន ៩ពិន្ទុ ស្មើ​អូស្ត្រាលី។ ក្រុមមួយទៀតក្នុងពូលនេះ​ដែល​នៅមាន​ឱកាសទៅ​វគ្គពាក់កណ្តាលផ្តាច់ព្រ័ត្រ ​គឺវៀតណាម ប្រសិន​បើក្រុមម្ចាស់ផ្ទះនេះ អាចយកឈ្នះថៃ នៅយប់នេះបាន៕