លោក ថោង ខុន លើ ២ចំណុចដើម្បីពង្រឹងវិស័យទេសចរណ៍កម្ពុជា ផ្ដោតលើទីផ្សារចិន

2019-08-14 08:23:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងទេសចរណ៍បើកកិច្ចប្រជុំ ពង្រឹងការគ្រប់គ្រងលើឧស្សាហកម្មទេសចរណ៍នៅកម្ពុជា ពិសេសផ្ដោតលើទីផ្សារចិន។

ក្នុងកិច្ចប្រជុំដែលធ្វើឡើងនៅព្រឹកថ្ងៃទី ១៤ ខែសីហា ឆ្នាំ២០១៩ នៅទីស្តីការក្រសួងទេសចរណ៍ លោក ថោង ខុន រដ្ឋមន្ត្រីក្រសួងទេសចរណ៍ ដែលបានដឹកនាំកិច្ចប្រជុំប្រចាំសប្ដាហ៍ ដើម្បីពិនិត្យ និងពង្រឹងការគ្រប់គ្រងឧស្សាហកម្មទេសចរណ៍ ពិសេសមគ្គុទ្ទេសក៍ទេសចរណ៍និយាយភាសាចិន។

កិច្ចប្រជុំបានផ្តោតលើចំណុចសំខាន់ៗ ២គឺ៖

ទី១. ការពង្រឹងការគ្រប់គ្រងឧស្សាហកម្មទេសចរណ៍រួមមាន៖

ការគ្រប់គ្រងមគ្គទេសក៍ទេសចរណ៍និយាយភាសាចិន
ការបណ្ដុះបណ្ដាលមគ្គទេសក៍ភាសាចិន និងការប្រលងប្រណាំងជ្រើសរើសអ្នកនិយាយ ភាសាចិនឆ្នើមក្នុងសេវាកម្មទេសចរណ៍
ការងារ China Ready
ការត្រៀមរៀបចំសាខាសមាគមទីភ្នាក់ងារទេសចរណ៍សម្រាប់រកស៊ីជាមួយចិន
ការពង្រឹងសមាគមក្នុងឧស្សាហកម្មទេសចរណ៍

ទី២. ការពង្រឹងរបៀបរបបការងារ និងការកែសម្រួល ប្រគល់ភារកិច្ចជូនថ្នាក់ដឹកនាំក្រសួង។

ក្នុងកិច្ចប្រជុំនេះដែរ ក៏មានការចូលរួមពីប្រធាននាយកដ្ឋាន អគ្គនាយករង អគ្គនាយក អនុរដ្ឋលេខាធិការ និងរដ្ឋលេខាធិការ ព្រមទាំងមានការចូលរួមពីមន្ទីរទេសចរណ៍រាជធានីភ្នំពេញ សៀមរាប និងខេត្តព្រះសីហនុផងដែរ៕

អត្ថបទ និងរូបភាព៖ ក្រសួងទេសចរណ៍