រលកកម្ដៅមិនធ្លាប់មាននៅបារាំង សម្លាប់មនុស្សជាង ១ ពាន់នាក់

  • 2019-09-09 02:25:02
  • ចំនួនមតិ 0 | ចំនួនចែករំលែក 0

ចន្លោះមិនឃើញ


រលកកម្ដៅ​ដែល​មិន​ធ្លាប់​មាន​ក្នុង​ប្រវត្តិសាស្ត្រ​ចាប់​តាំង​ពី​ខែ​មិថុនា ដល់​កក្កដា បាន​បណ្ដាល​ឲ្យ​មនុស្ស ១ ៤៣៥​នាក់​ស្លាប់​ក្នុង​ប្រទេស​បារាំង​នា​ឆ្នាំ​នេះ។

យោង​តាម​រដ្ឋ​មន្ត្រី​ក្រសួង​សុខាភិបាល​បារាំង​លោក Agnes Buzyn ដែល​ថ្លែង​ទៅ​ក្នុង​វិទ្យុ​មួយ​ឲ្យ​ដឹង​ថា ពាក់​កណ្ដាល​នៃ​ជន​រង​គ្រោះ​ដែល​បាន​ស្លាប់ មាន​វ័យ​ចាប់​ពី ៧៥​ឆ្នាំ​ឡើង​ទៅ។ រលក​កម្ដៅ​ដែល​មិន​ធ្លាប់​មាន​នេះ បាន​ធ្វើ​ឲ្យ​សីតុណ្ហភាព​ឡើង​ខ្ពស់​បំផុត​រហូត​ដល់ ៤៦​អង្សា​កាល​ពី​ខែ​មិថុនា ខណៈ​ពេល​ដែល​ក្រុង​ប៉ារីស​មាន​សីតុណ្ហភាព ៤២,៦​អង្សា។ លើស​ពី​នេះ របាយការណ៍​ក្រសួង​សុខាភិបាល​ឲ្យ​ដឹង​ថា មនុស្ស ៥៦៧​នាក់​បាន​ស្លាប់​អំឡុង​រលក​កម្ដៅ​លើក​ទី​១​ចាប់​ពី​ថ្ងៃ​ទី ២៤​មិថុនា ដល់ ៧​កក្កដា ខណៈ​ដែល ៨៦៨​នាក់​ផ្សេង​ទៀត ស្លាប់​អំឡុង​ពេល​រលក​កម្ដៅ​លើក​ទី​២​ចាប់​ពី​ថ្ងៃ​ទី ២១​ដល់ ២៧​កក្កដា។

យ៉ាង​ណា​មិញ ដើម្បី​ដោះ​ស្រាយ និង​កាត់​បន្ថយ​បញ្ហា​នេះ អាជ្ញាធរ​បារាំង​បាន​ចេញ​វិធានការ​ឲ្យ​អាង​ទឹក​ក្នុង​ទីក្រុង​មួយ​ចំនួន​បន្ដ​បើក​ទ្វារ និង​បង្កើត​ខ្សែ​ទូរសព្ទ​បន្ទាន់​សម្រាប់​ជួយ​សង្គ្រោះ​ផង​ដែរ៕

ប្រភព៖ BBC ប្រែ​សម្រួល៖ រ័ត្ន

អត្ថបទថ្មី
;