ការប្រឡងជ្រើសរើសសិស្សពូកែ គណិតវិទ្យា និងអក្សរសិល្ប៍ខ្មែរ របស់ក្រសួងអប់រំកម្ពុជាគឺត្រូវបានបង្កើតឡើងតាំងពីសម័យសាធារណរដ្ឋប្រជាមានិតកម្ពុជាឆ្នាំ ១៩៨៧ មកម្លេះ។ នេះបើយោងតាមសេចក្តីសម្រេចក្នុងសៀវភៅរដ្ឋកិច្ចលេខ ៦ ខែមិថុនា ឆ្នាំ១៩៨៧ របស់ប្រធាន ក្រុមប្រឹក្សារដ្ឋមន្ត្រី សមមិត្ត ហ៊ុន សែន។

សេចក្តីសម្រេច លេខ ៨១ ស.ស.រ ស្តីពីការរៀបចំថ្នាក់សិស្សពូកែខាង គណិតវិទ្យា និងអក្សរសិល្ប៍ខ្មែរ ចុះហត្ថលេខា និងត្រា ដោយ ប្រធាន ក្រុមប្រឹក្សារដ្ឋមន្ត្រី សមមិត្ត ហ៊ុន សែន ចេញថ្ងៃទី២៤ ខែមិថុនា ឆ្នាំ១៩៨៧ បានសម្រេចត្រង់ប្រការទី១១ ឲ្យក្រសួងអប់រំត្រូវចាត់ចែងធ្វើការប្រឡងជ្រើសរើសសិស្សពូកែកម្រិត១ និង២ ទូទាំងប្រទេសជារៀងរាល់ឆ្នាំ។

ក្នុងសេចក្តីសម្រេចនោះក៏បានបញ្ជាក់ពីការផ្តល់រង្វាន់ដល់ជ័យលាភីដល់សិស្សពូកែមធ្យមសិក្សាកម្រិត១ និង២ ទូទាំងប្រទេសទទួលបានរួមមាន៖