អ្នកប្រដាល់គុនខ្មែរ ២រូប មានឈ្មោះប្រកួតក្នុងកម្មវិធី ONE Warrior Series នៅជប៉ុន

2019-09-23 02:54:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រដាល់កម្ពុជា ២រូប គឺកីឡាករ ចាន់ សំអាត និង ឡុង ឡា នឹងត្រូវប្រកួតក្នុងកម្មវិធី ONE Warrior Series 8 នៅប្រទេសជប៉ុន នាថ្ងៃទី៥ ខែតុលាខាងមុខនេះ។

កីឡាករមកពីក្លឹប Cambodian Top Team ទាំង២រូប នឹងប្រកួតវិញ្ញាសាយុទ្ធគុនចម្រុះ MMA ទល់នឹងគូកីឡាករម្ចាស់ផ្ទះជប៉ុនដូចគ្នា ពោលគឺ សំអាត ប៉ះកីឡាករ Hikaru Yoshino ចំណែក ឡុង ឡា ប៉ះ Asuka Tsubaki។

ចាន់ សំអាត vs Hikaru Yoshino

សំអាត មានប្រវត្តិប្រកួត MMA ៧ដង (ឈ្នះ២ ចាញ់៥) និងធ្លាប់ប្រកួត ៣ដងរួចមកហើយ នៅក្នុងកម្មវិធី ONE Warrior Series ដោយឈ្នះ ១ និងចាញ់២។ ចំណែកគូប្រកួតរបស់គេ មិនធ្លាប់ប្រកួតនៅ ONE នោះទេ តែមានប្រវត្តិប្រកួតល្អ គឺឈ្នះ ៧ និងចាញ់តែម្ដងប៉ុណ្ណោះ។

រីឯ ឡុង ឡា មិនធ្លាប់ប្រកួតនៅ ONE ទេ តែធ្លាប់ប្រកួត MMA ម្ដង ក្នុងកម្មវិធី FMD នៅថៃ ដោយទទួលជ័យជម្នះ។ ចំណែកគូប្រកួតរបស់ខ្លួន ធ្លាប់ប្រកួតនៅ ONE Warrior Series ២ដង (ឈ្នះម្ដង ចាញ់ម្ដង)។

ឡុង ឡា vs Asuka Tsubaki

ក្រៅពីកីឡាករទាំង ២ ក៏មានកីឡាករនីហ្សេរីយ៉ា ដែលហ្វឹកហាត់នៅកម្ពុជា Emmanuel Onyedikachi ផងដែរ។ Emmanuel ដែលជាសមាជិករបស់សហព័ន្ធកីឡា MMA កម្ពុជាដែរនោះ នឹងប៉ះកីឡាករមកពីសហរដ្ឋអាមេរិក៕

គូប្រកួតទាំងអស់ មានដូចខាងក្រោម៖