ប្រទេសមួយនៅទ្វីបអាហ្វ្រិកធ្លាប់ត្រៀមមនុស្សទៅកាន់ឋានព្រះចន្ទមុនអាម៉េរិក និងសូវៀត
- 2019-10-08 09:14:39
- ចំនួនមតិ 0 | ចំនួនចែករំលែក 0
ប្រទេសមួយនៅទ្វីបអាហ្វ្រិកធ្លាប់ត្រៀមមនុស្សទៅកាន់ឋានព្រះចន្ទមុនអាម៉េរិក និងសូវៀត
ចន្លោះមិនឃើញ
Zambia ជាប្រទេសមួយដែលទំនងជាមិនសូវមានអ្នកដឹងឬស្គាល់ប៉ុន្មាននោះទេ។ ប្រទេសមួយនេះកាលនៅដើមទសវត្សរ៍ឆ្នាំ១៩៦០ជាប្រទេសមួយដែលបានចូលរួមក្នុងការប្រណាំប្រជែងរុករកទីអាវកាសដូចហសភាពសូវៀត និងសហរដ្ឋអាម៉េរិកដែរ ប៉ុន្តែគម្រោងរបស់ប្រទេសនេះ ត្រូវបរាជ័យដោយសារបញ្ហាថវិកា។
Zambia ជាប្រទេសមួយហ៊ុំព័ទ្ធដោយភ្នំនៅទ្វីបអាហ្រ្វិក។ នៅឆ្នាំ១៩៦៤ ប្រទេសនេះបានចូលរួមប្រណាំងប្រជែងក្នុងការរុករកទីអាវកាសដូចសហភាពសូវៀត និងសហរដ្ឋអាម៉េរិកដែរ និងមានមហិច្ឆតាបញ្ជូនមនុស្សទៅកាន់ឋានព្រះចន្ទមុនប្រទេសបហាអំណាចទាំងពីរផង។
គម្រោងទៅកាន់ទីអាវកាសរបស់ប្រទេសនេះជាគម្រោងរបស់វិស័យឯកជនដែលដឹកនាំដោយគ្រូបង្រៀន និងជាស្ថាបនិក Zambia's National Academy គឺលោកEdward Mukuka Nkoloso ។
លោក Mukukaបានជ្រើសរើសមនុស្សចំនួន១២នាក់ រួមជាមួយនឹងនារីវ័យក្មេងអាយុ១៦ឆ្នាំម្នាក់ផងសម្រាប់បណ្ដុះបណ្តាលឲ្យក្លាយជាអាវកាសយានិករបស់គម្រោងនេះ។ ទោះយ៉ាងណាលោក Mukukaមិនមានថវិកាគ្រប់គ្រាន់សម្រាប់គម្រោងមួយនេះទេ ខណៈរដ្ឋាភិបាលZambia មិនចាប់អារម្មណ៍ ចំណែកឯអង្គការសហប្រជាជាតិ សហភាពសូវៀត សហរដ្ឋអាម៉េរិក និងអ៊ីស្រាអែលក៏បដិសេធសំណើរបស់លោកផងដែរ។
ទោះយ៉ាងណាលោក Mukukaបានបន្តបណ្ដុះបណ្ដាលអាវកាសយានិករបស់ខ្លួនដដែលដោយឲ្យអ្នកទាំងនោះចូលក្នុងស្គរ ហើយបង្វិលជុំវិញដើមឈើ និងរមៀលចុះពីលើភ្នំជាដើម ដែលជាការត្រៀមសម្រាប់ការហោះហើរក្នុងអាវកាស។
ចុងក្រោយគម្រោងនេះបានឈានដល់ទីបញ្ចប់នៅពេលដែលសិក្ខាកាមចាប់ផ្ដើមទារយកប្រាក់ខែ ហើយអ្នកខ្លះបានឈប់មកហ្វឹកហាត់ និងនៅពេលដែលសិក្ខាកាមចុងក្រោយបំផុតដែលជាស្រ្តីក៏មានផ្ទៃពោះទៀត។
គួរបញ្ជាក់ថាទីបំផុតទៅសហរដ្ឋអាម៉េរិកនៅឆ្នាំ១៩៦៩ បានក្លាយជាប្រទេសដំបូងគេបានបញ្ជូនមនុស្សទៅជាន់ឋានព្រះចន្ទ៕