គ្រូម៉ាឡេស៊ី អួតពីប្រព័ន្ធការពារខ្លួន មុនប៉ះវៀតណាម នៅវគ្គជម្រុះ World Cup
- 2019-10-09 02:06:07
- ចំនួនមតិ 0 | ចំនួនចែករំលែក 0
គ្រូម៉ាឡេស៊ី អួតពីប្រព័ន្ធការពារខ្លួន មុនប៉ះវៀតណាម នៅវគ្គជម្រុះ World Cup
ចន្លោះមិនឃើញ
លោក Tan Cheng Hoe គ្រូបង្វឹកក្រុមជម្រើសជាតិម៉ាឡេស៊ី បានបញ្ជាក់ថា នឹងគ្មានកំហុសណាមួយកើតឡើងឡើយ ពិសេសក្នុងប្រព័ន្ធការពាររបស់ខ្លួន ពេលប៉ះវៀតណាម ក្នុងវគ្គជម្រុះ World Cup 2022 ពូលG នាថ្ងៃទី១០តុលាស្អែកនេះ។
លោកលើកឡើងថា កីឡាកររបស់វៀតណាម អាចប្រែក្លាយពីការលេងទប់ ទៅជាការប្រយុទ្ធ ត្រឹមមួយរំពេចតែប៉ុណ្ណោះ។
គ្រូវ័យ ៥១ឆ្នាំរូបនេះ អះអាងទៀតថា ៣ប្រកួតចុងក្រោយ ម៉ាឡេស៊ី មិនដែលឈ្នះវៀតណាមឡើយ ប៉ុន្តែប្រវត្តិសាស្រ្តបែបនេះ បានកន្លងផុតទៅហើយ ពោលគឺក្រុមលោកបានត្រៀមលេងជាមួយនឹងការប្រមូលផ្តុំស្មារតី និងទំនុកចិត្ត ទល់នឹងម្ចាស់ផ្ទះថ្ងៃស្អែករួចរាល់ហើយ។
លោក Tan Cheng Hoe បានហៅការប្រកួតជាមួយវៀតណាមនេះ គឺជាការប្រកួតដ៏តានតឹង ប៉ុន្តែវានឹងជាយុគសម័យថ្មីសម្រាប់ម៉ាឡេស៊ី៕