សហព័ន្ធកីឡារាំកម្ពុជា ធ្វើឲ្យប្រទេសប្រកួតប្រជែងភ្ញាក់ផ្អើល និងសរសើរមិនដាច់ពីមាត់

2019-11-13 06:53:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តាមរយៈជ័យជម្នះលំដាប់អន្តរជាតិ ២-៣ លើកចុងក្រោយរបស់សហព័ន្ធកីឡារាំកម្ពុជា បានធ្វើឲ្យប្រទេសដៃគូប្រកួតប្រជែងភ្ញាក់ផ្អើលនិងសមត្ថភាពល្អរបស់ក្រុមកម្ពុជា។

លោកគ្រូ ស៊ូ តុង(នៅកណ្ដាលគេ)

លោក ស៊ូ តុង គ្រូបង្វឹកកីឡារាំកម្ពុជាឲ្យដឹងថា សម្រាប់ការប្រកួត ADSF Asian Single Dance 2019 នៅហុងកុង ប្រទេសចិន លើកនេះមើលឃើញថាកីឡាករ កីឡាការិនីមានការខំប្រឹងប្រែងខ្លាំងជាងការប្រកួតមុនៗទៅទៀត។ ចំពោះសមត្ថភាពក៏រីកចម្រើនថែមទៀតផងដែរ តែយ៉ាងណាសហព័ន្ធ រួមទាំងលោកផ្ទាល់នឹងប្រឹងប្រែងបង្ហាត់បង្រៀន ពង្រឹងសមត្ថភាពអត្តពលិកកម្ពុជាឲ្យខ្លាំងជាងនេះទៀត។

រូបភាពរបស់សហព័ន្ធ

គ្រូជំនាញវ័យ៥៩ឆ្នាំខាងលើនេះបន្តថា ជ័យជម្នះនៅតៃវ៉ាន់ រួមនិងជ័យជម្នះនៅឯហុងកុងថ្មីៗនេះ គឺមានការកោតសរសើរច្រើនពីប្រទេសដែលចូលរួមប្រកួតប្រជែងថា«កម្ពុជាពិតជាមានសមត្ថភាពល្អមែន បើទោះកីឡាមួយនេះទើបតែបានបង្កើតក៏ដោយ»។ បើនិយាយពីប្រទេសដែលលោកគ្រូរូបនេះគិតថាជាដៃគូប្រកួតប្រជែងរបស់កម្ពុជានោះ គឺសឹងតែទាំងអស់ ព្រោះប្រទេសទាំងនោះបង្កើតសហព័ន្ធកីឡាមួយនេះយូរឆ្នាំមកហើយ ដូច្នេះទាំងបទពិសោធ និងធនធានសុទ្ធតែសំបូរបែប។

ទិដ្ឋភាពមកដល់ម្សិលមិញ

សហព័ន្ធកីឡារាំកម្ពុជាបានបញ្ជូនកីឡាករ កីឡាការិនី១២នាក់ ទៅចូលរួមក្នុងព្រឹត្តិការណ៍ ADSF Asian Single Dance 2019 នៅហុងកុង ប្រទេសចិន ហើយឈ្នះមេដាយចំនួន២១គ្រឿង មាស៨ ប្រាក់៧ និងសំរឹទ្ធ៦។ ប្រទេសចូលរួមក្នុងព្រឹត្តិការណ៍នេះគឺជាង១០ប្រទេស៕

អត្ថបទ៖ នួន ស៊ីណា