កម្ពុជា មានរោងចក្រស៊ីម៉ត៍ប៉ុន្មានហើយ គិតមកត្រឹមចុងឆ្នាំ២០១៩?
- 2019-11-14 03:11:44
- ចំនួនមតិ 0 | ចំនួនចែករំលែក 0
កម្ពុជា មានរោងចក្រស៊ីម៉ត៍ប៉ុន្មានហើយ គិតមកត្រឹមចុងឆ្នាំ២០១៩?
ចន្លោះមិនឃើញ
លោក ស៊ុយ សែម រដ្ឋមន្រ្តីក្រសួងរ៉ែ និងថាមពល បានថ្លែងក្នុងពិធីសម្ពោធរោងចក្រស៊ីម៉ត៍ ថៃ ប៊ុនរ៉ុង នៅខេត្តកំពត នាព្រឹកថ្ងៃទី១៤ ខែវិច្ឆិកា ឆ្នាំ២០១៩ថា គិតត្រឹមចុងឆ្នាំ២០១៩នេះ កម្ពុជា មានរោងចក្រស៊ីម៉ងត៍ចំនួន៥ ដែលផ្តល់ការងារដល់ពលរដ្ឋចំនួនប្រមាណ ២៧០០នាក់ និងមានសមត្ថភាពផលិតស៊ីម៉ត៍ បានប្រមាណ ៨លានតោនក្នុងមួយឆ្នាំ ជាមួយទុនវិនិយោគសរុប ៨០០លានដុល្លារ។
ទី១. រោងចក្រស៊ីម៉ងត៍កំពត ស៊ីមេន ខូអិលធីឌី (Kampot Cement Co., Ltd) មានទីតាំងនៅ ស្រុកបន្ទាយមាស និងស្រុកដងទង់ ខេត្តកំពត មានសមត្ថភាពផលិតប្រមាណ ២លានតោនក្នុងមួយឆ្នាំ។
ទី២. រោងចក្រ ស៊ីម៉ងត៍ កម្ពុជា ចក្រីទីង (Cambodia Cement Chakreyting Co., Ltd) មានទីតាំងនៅស្រុកកំពត ខេត្តកំពត មានសមត្ថភាពផលិតប្រមាណ ១,១លានតោនក្នុងមួយឆ្នាំ។
ទី៣. រោងចក្រ ជីប ម៉ុង អ៊ិនស៊ី ស៊ីមេន ខបភើរេស៊ិន (Chip Mong Insee Cement Corporation) មានទីតាំងនៅស្រុកបន្ទាយមាស ខេត្តកំពត មានសមត្ថភាពផលិតប្រមាណ ២លានតោនក្នុងមួយឆ្នាំ។ រោងចក្រនេះ ត្រូវបានបើកឱ្យដំណើរការកាលពីខែកុម្ភ ឆ្នាំ២០១៨កន្លងទៅ។
ទី៤. រោងចក្រស៊ីម៉ងត៍បាត់ដំបង ខនស៍ ស៊ីមេន លីមីធីត នៅតំបន់ភ្នំដូនម៉ាយ ឃុំស្តៅ ស្រុករតនមណ្ឌល ខេត្តបាត់ដំបង មានសមត្ថភាពផលិតស៊ីម៉ងត៍បានប្រមាណ ៥ពាន់តោនក្នុងមួយថ្ងៃ ឬស្មើនឹងជិត ២លានតោនក្នុងមួយឆ្នាំ។ រោងចក្រនេះ ត្រូវបានសម្ពោធដាក់ឱ្យដំណើរការផលិតស៊ីម៉ងត៍ជាផ្លូវការកាលពីថ្ងៃទី៣១ ឧសភា ឆ្នាំ២០១៨។
ទី៥. រោងចក្រស៊ីម៉ងត៍ ថៃ ប៊ុនរ៉ុង នៅតំបន់ភ្នំល្អាង ឃុំល្អាង ស្រុកដងទង់ ខេត្តកំពត ត្រូវបើកសម្ពោធជាផ្លូវការនៅព្រឹកថ្ងៃទី១៤ ខែវិច្ឆិកា ឆ្នាំ២០១៩។ រោងចក្រនេះ សាងសង់លើផ្ទៃដីទំហំជិត ៧០០ហិកតា បំពាក់ដោយបច្ចេកទេសទំនើប ហើយមានសមត្ថភាពផលិតស៊ីម៉ងត៍បាន ២៥០០តោនក្នុងមួយថ្ងៃ ស្មើនឹងជិត ១លានតោនក្នុងមួយឆ្នាំ៕