ខេត្តយូណានប្រទេសចិន-កម្ពុជា ចុះកិច្ចព្រមព្រៀងវិនិយោគលើទឹកប្រាក់ ១,៣ពាន់លានដុល្លារ

2019-11-19 02:20:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប្រាក់ សុខុន ឧបនាយករដ្ឋមន្រ្តី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានជួបពិភាក្សាការងារជាមួយលោក ទូ ជាហោ សមាជិកគណៈកម្មាធិការមជ្ឈឹមបក្ស និងជាលេខាធិការនៃគណៈកម្មាធិការមជ្ឈឹមបក្សកុម្មុយនីស្តចិន ខេត្តយូណាន កាលពីថ្ងៃទី១៨ ខែវិច្ឆិកា ឆ្នាំ២០១៩ នៅទីស្តីការក្រសួង។

បន្ទាប់ពីចប់ជំនួប លោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិបានប្រាប់ក្រុមអ្នកកាសែតថា នៅថ្ងៃទី១៩ ខែវិច្ឆិកា នឹងមានការចុះហត្ថលេខារវាងវិនិយោគិនមកពីខេត្តយូណានជាមួយវិនិយោគិននៅកម្ពុជា ដែលមានទឹកប្រាក់ប្រមាណជា ១៣០០លានដុល្លារ។

លោក ទូ ជាហោ បានបញ្ជាក់ថា វិនិយោគិនពីខេត្តយូណានដែលមកវិនិយោគិនជាច្រើនបានឃើញសក្តានុពលនៅកម្ពុជាល្អៗ និងមានការចំណាប់អារម្មណ៍ ផ្តោតទៅលើវិស័យឧស្សាហកម្ម កសិកម្ម គ្រឿងយន្តឧស្សាហកម្ម និងគ្រឿងយន្តកសិកម្ម រួមទាំងវិស័យផ្សេងៗទៀត។

លោកឧបនាយករដ្ឋមន្ត្រី ប្រាក់ សុខុន បានថ្លែងអំណរគុណដល់លោកលោក ទូ ជាហោ ដែលបានមកបំពេញទស្សនកិច្ចនៅកម្ពុជា ដោយបាននាំមកនូវវិនិយោគិនជាច្រើនពីខេត្តយូណាន និងមានការបណ្តាក់ទុនដ៏ច្រើន៕

អត្ថបទ៖ កុសល