កម្ពុជា ធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ីប៉ាស៊ីហ្វិកលើកទី ២

2019-11-19 03:49:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កម្ពុជាបានរៀបចំកិច្ចប្រជុំកំពូលអាស៊ីប៉ាស៊ីហ្វិ ២០១៩ (Asia Pacific Summit 2019) ដែលមានរយៈពេល ៣ថ្ងៃ ចាប់ពីថ្ងៃទី១៨ ដល់ ២១ ខែវិច្ឆិកា ឆ្នាំ២០១៩ ដែលមានការចូលរួមពីថ្នាក់ដឹកនាំរដ្ឋ និងរដ្ឋាភិបាលជាង ៥០ប្រទេស រួមនឹងតំណាងអង្គការនានា វិស័យឯកជន ក្រុមសិល្ប ករនិងក្រុម យុវជនពីបណ្តាប្រទេសជាង ១៥០ប្រទេសថែមទៀត។

កិច្ចប្រជុំកំពូលអាស៊ី ប៉ាស៊ីហ្វិក នេះក្រោមប្រធានបទ «ការឆ្លើយតបចំពោះបញ្ហា ប្រឈមគន្លឹះនាពេល បច្ចុប្បន្ន៖ សន្តិភាព ការផ្សះផ្សាជាតិ ការពឹងពាក់គ្នាទៅវិញទៅមក វិបុលភាពទៅវិញទៅ មកនិងគុណតម្លៃ សាកល» ដោយមានការអញ្ជើញចូលរួមដ៏ខ្ពង់ខ្ពស់ពីសម្ដេចនាយករដ្ឋមន្ត្រីនៃប្រទេសកម្ពុជា ផ្ដល់សុន្ទរកថាបើក នៅថ្ងៃទី១៩ វិច្ឆិកា នៅវិមានសន្តិភាព។

កិច្ចប្រជុំកំពូលអាស៊ីប៉ាស៊ីហ្វិកនេះ អញ្ជើញចូលរួម កិច្ចសហការពីអង្គការសហព័ន្ធសន្តិភាពសកល UPF ដែលជាបណ្តាញអង្គការពិភពលោកមួយដែល កសាងពិភពលោកសន្តិភាពនិងប្រមូលផ្គុំលើតម្លៃសីលធម៌ និងស្មារតីជាសកល។ យោងតាមកម្មវិធីនៅក្នុងកិច្ច ប្រជុំកំពូលនោះ សម្តេច ហ៊ុន សែន នឹងត្រូវបានគេប្រគល់ពានរង្វាន់ «ភាពជាអ្នកដឹកនាំ និងអភិបាលកិច្ចល្អ» ដែលប្រគល់ដោយសហស្ថាបនិកសហព័ន្ធសន្តិភាពសកល គឺបណ្ឌិត Hak Ja Han Moon។

ក្រុមអ្នករៀបចំបានថ្លែងថា កិច្ចប្រជុំកំពូលនេះ នឹងបង្ហាញភាពប៉ះពាល់ជាវិជ្ជមាននៃកិច្ចសហប្រតិបត្តិការ រវាង រដ្ឋាភិបាលនិងសង្គមស៊ីវិលក្នុងការកសាងសន្តិភាពនិងការផ្សះផ្សារក្នុងវិស័យដែលមានទំនាស់ ការបង្កើតឡើង នូវការអភិវឌ្ឍន៍ វិបុលភាពនិងដំណោះស្រាយនានាចំពោះបញ្ហារិះគន់ផ្សេងៗក្នុងសង្គមជាតិ៕