អតីតគ្រូ Spurs ចាកចេញទាំងអាល័យបន្សល់ទុកសារមួយលើក្ដារខៀនខ្លួនធ្លាប់ធ្វើការ

2019-11-22 04:11:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតគ្រូ Spurs លោក Mauricio Pochettino ត្រូវបានក្លឹបបណ្ដេញចេញកាលពីដើមសប្ដាហ៍នេះ ជំនួសវិញភ្លាមៗដោយគ្រូបង្វឹកសញ្ជាតិព័រទុយហ្គាល់ Jose Mourinho ឲ្យចូលកាន់តំណែងបន្តដឹកនាំក្រុមរហស្សនាម មាន់ខ្នាយមាស។

Pochettino កំពុងសរសេរលើក្តាខៀន

ការសម្រេចចិត្តរបស់ប្រធានក្លឹប Spurs បានធ្វើឲ្យជំនួយការ Jesus Perez (អ្នកធ្លាប់ធ្វើការ) ជាមួយគ្រូបង្វឹកសញ្ជាតិអាហ្សង់ទីនរូបនេះ បានថតសកម្មភាពចំនួន ២ សន្លឹកដែលកំពុងសរសេរលើក្ដារខៀនរបស់ Pochettino ធ្លាប់ធ្វើការយ៉ាងខ្លីថា៖ **"អរគុណអ្នកទាំងអស់គ្នា! ទោះជាយើងមិនអាចនឹងនិយាយ លាគ្នា! តែអ្នកនឹងស្ថិតនៅក្នុងចិត្តខ្ញុំជានិច្ច!” ។** សារបង្ហាញពីក្ដីអាល័យរបស់លោកជាមួយនឹងក្លឹបបែបនេះ បានធ្វើឲ្យល្បីពេញអ៊ិនធើណិតជាពិសេសលើ Twitter ។

រូបថតជុំគ្នារវាង Jesus Perez និង Pochettino

បច្ចុប្បន្នតំណែងទំនេររបស់ Pochettino កំពុងតែមានពាក្យចចាមអារ៉ាម អាចនឹងទៅក្លឹបធំមួយនៅអាល្លឺម៉ង់គឺ Bayern Munich ដែលកៅអីនេះកំពុងទំនេរដូចគ្នា (អ្នកដឹកក្រុម Bayernបណ្ដោះអាសន្នជា គ្រូជំនួយប៉ុណ្ណោះ)។ ចំណែកស្នាដៃដែល Pochettino ធ្លាប់បានសាងនៅ Spurs រយៈពេល ៥ ឆ្នាំកន្លងមកនេះមានដូចជា ឈ្នះពានមិត្តភាព Audi Cup ម្ដងនៅឆ្នាំ ២០១៨ បានជួយឲ្យក្លឹបនៃទីក្រុងឡុងដុងនេះ ឈរជើងនៅ Top 4 គ្រប់រដូវកាល ដែលលោកដឹកនាំ។ លើសពីនេះទៅទៀត លោកក៏បានជួយឲ្យក្រុមលោកឡើងវគ្គផ្ដាច់ព្រ័ត្រនៃពាន UEFA Champions League កាលពីខែមិថុនា ឆ្នាំ២០១៩ កន្លងទៅ ប៉ុន្តែក្នុងរដូវកាល ២០១៩/២០ នេះដែរ Spurs ធ្វើមិនបានល្អនៅដើមរដូវកាលនេះ ដោយឈរនៅចំណាត់ថ្នាក់លេខ ១៤ និងមាន ១៤ពិន្ទុ៕

ប្រភព៖ foxsports ប្រែសម្រួល៖ រក្សា