បុរសមានជាងគេនៅអាស៊ី កើនទ្រព្យសម្បត្តិ ១៨ពាន់លានដុល្លារ នៅ ២០១៩

  • 2019-12-24 03:07:09
  • ចំនួនមតិ 0 | ចំនួនចែករំលែក 0

ចន្លោះមិនឃើញ


លោក Mukesh Ambani ដែល​ជា​បុរស​មាន​ជាង​គេ​នៅ​អាស៊ី បាន​បន្ថែម​ជិត ១៨ ពាន់​លាន​ដុល្លារ ទៅ​ក្នុង​ទ្រព្យ​សម្បត្តិ​របស់​ខ្លួន ដែល​ធ្វើ​ឲ្យ​ទ្រព្យ​សរុប​មាន​ដល់ ៦១,៩ ពាន់​លាន​ដុល្លារ។ នេះ​បើ​តាម​តួ​លេខ​របស់​ Bloomberg Billionaires Index។

លោក Mukesh Ambani នៅកណ្ដាល

ជា​ការ​ប្រៀប​ធៀប​ ស្ថាបនិក​ Alibaba Group លោក Jack Ma កើន​ទ្រព្យ​ ១១ ពាន់​លាន​ដុល្លារ ខណៈ​ដែល​លោក Jeff Bezos បាត់​បង់​ទ្រព្យ​សម្បត្តិ ១៣,៦ ពាន់​លាន​ដុល្លារ ក្នុង​ឆ្នាំ ២០១៩ នេះ។

ការ​កើន​ឡើង​ទ្រព្យ​ដ៏​ច្រើន​សន្ធឹក​របស់​មហាសេដ្ឋី​ឥណ្ឌា​នៅ​ឆ្នាំ​នេះ មក​ពី​ការ​កើន​ឡើង​តម្លៃ​ភាគហ៊ុន​ដល់ ៤០% នៃ​សម្ព័ន្ធ Reliance Industries របស់​លោក ជា​សម្ព័ន្ធ​ដែល​កំពុង​ផ្ដោត​លើ​ការ​ផ្គត់ផ្គង់​របស់​អតិថិជន​ ​ជា​ជាង​អាជីវកម្ម​ចម្រាញ់​ប្រេង​និង​​ឥន្ធនៈ​គីមី​របស់​ខ្លួន៕

ចុចអាន ៖ វីដេអូ៖ នារី​ម្នាក់​នេះ និយាយ​ពី​អារម្មណ៍ពិត ទៅកាន់​បុរស​ដែល​ចាប់​រំលោភ​នាង កាល​អាយុ​១៤ឆ្នាំ

ប្រភព៖ Straits Times ប្រែ​សម្រួល៖ សុខហេង

;