ក្លឹបសីដក់ក្រសួងការពារជាតិ ខកចិត្ត២ដងទាំងក្រុមបុរស និងនារី

2019-12-26 09:20:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមសីដក់ក្រសួងការពារជាតិម្សិលមិញនេះនៃកម្មវិធីប្រកួតជ្រើសរើសជើងឯកថ្នាក់ជាតិ ២០១៩ ខកចិត្ត២ដងទាំងបុរស ក១ និងក្រុមនារី ក្រោយចាញ់វគ្គផ្ដាច់ព្រ័ត្របានត្រឹមមេដាយប្រាក់២គ្រឿង។

ក្រុមនារីក្រសួងការពារជាតិ(អាវទឹកក្រូច)

ការប្រកួតជើងឯកថ្នាក់ជាតិរបស់សហព័ន្ធកីឡាសីដក់កម្ពុជានារសៀលម្សិលមិញនេះ គឺពិតជាជក់ចិត្តតែម្ដង មិនថាការប្រកួតផ្ដាច់ព្រ័ត្រផ្នែកនារី ៣-៣ ឬការប្រកួតផ្ដាច់ព្រ័ត្រផ្នែកបុរស ក១ ៣-៣ ជាមួយក្រុមក្រសួងមហាផ្ទៃ នោះទេ។

ក្រុមក្រសួងការពារជាតិ(ខោខៀវ)

ក្រុមក្រសួងការពារជាតិផ្នែកនារី ៣-៣ ប៉ះក្រុមមជ្ឈមណ្ឌល ខ.ភ.ម វគ្គផ្ដាច់ព្រ័ត្រនេះគឺធ្វើមិនបានល្អនោះឡើយ ពោលចាញ់ ២-០ តែម្ដងមិនអាចតដៃបានឡើយ ចុងក្រោយបានមេដាយប្រាក់១។ ចំណែកក្រុមក្រសួងការពារជាតិផ្នែកបុរស ក១ ៣-៣ វិញគឺនៅតែធ្វើមិនល្អដដែលនៅពេលប៉ះក្រសួងមហាផ្ទៃ។ បើកឆាកសិតទី១ ការពារជាតិភ្លាត់ចាញ់ មហាផ្ទៃដោយលទ្ធផល ២១-១៩ ប៉ុន្តែចូលសិតទី២ វ៉ៃបកយកឈ្នះវិញដោយលទ្ធផល ២១-១៥។ ចូលដល់សិតកាន់សេចក្ដីទី៣ គឺបែរជាធ្វើមិនបានល្អជាថ្មីទៀត ដោយចាញ់ក្នុងលទ្ធផល ១៥-១២ បានមេដាយប្រាក់១គ្រឿងទៀត។

រូបភាពមជ្ឈមណ្ឌលក្រសួងការពារជាតិ

ការប្រកួតជើងឯកថ្នាក់ជាតិឆ្នាំ២០១៩ របស់សហព័ន្ធសីដក់កម្ពុជា ធ្វើឡើងរយៈពេល៣ថ្ងៃគឺចាប់ពីថ្ងៃទី២៣ ដល់ ២៥ ខែធ្នូ។ ក្រុមចូលរួមទាំងអស់ចំនួន១០ សរុបកីឡាករ កីឡាការិនី ១២៣នាក់ ប្រកួតលើ៣វិញ្ញាសា។ ក្រសួងការពារជាតិឈ្នះមេដាយប្រាក់២គ្រឿង គឺផ្នែកបុរស ក១ និងផ្នែកនារី ៣-៣៕

អត្ថបទ៖ នួន ស៊ីណា