មកស្គាល់ស្នាដៃជាច្រើន ដែលបានបង្កើតឡើងដោយមនុស្សស្រី អស់រយៈកាលជាយូរមកហើយ

2020-01-17 06:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅក្នុងប្រវត្តិសាស្ត្រ ប្រៀបបានដូចជាឃ្លាំងដែលផ្ទុកនូវគំនិតច្នៃប្រឌិត ការបង្កើតថ្មីរួមទាំងរបស់របរជាច្រើនទៀត សម្រាប់ទុកឲ្យមនុស្សបានប្រើប្រាស់រហូតមកដល់បច្ចុប្បន្ន។ ស្នាដៃទាំងនោះទៀតសោត ភាគច្រើនត្រូវបានរកឃើញដោយអ្នកវិទ្យាសាស្រ្តនិងអ្នកសិក្សាស្រាវជ្រាវល្បីៗ។ ឧទាហរណ៍ដូចជា Newton Tesla និង Einstein ជាដើម។ ក្នុងនោះដែរ ក៏មានស្នាដៃល្បីៗជាច្រើនទៀត ដែលបានបង្កើតឡើងដោយមនុស្សស្រី សុទ្ធសឹងតែជាវត្ថុសំខាន់ៗ នៅក្នុងប្រវត្តិសាស្រ្ត។

១. ទូទឹកកក

Florence Parpart គឺជាស្តី្រដែលបានបង្កើតទូទឹកកកដំបូងគេបង្អស់ ក្នុងអំឡុងឆ្នាំ ១៩១៤។ នាងក៏ជាសហគ្រិនជោគជ័យមួយរូប ដែលអាចអភិវឌ្ឍយុទ្ធនាការផ្សព្វផ្សាយនិងគ្រប់គ្រងដំណើរការនៃផលិតផលបានដោយខ្លួនឯង។

២. ផ្លិតសម្រាប់បក់ទឹកលើកញ្ចក់ឡាន

Mary Anderson ជាអ្នកមានគំនិតបង្កើតផ្លិតទឹកឡាន ក្នុងឆ្នាំ ១៩០៣ ព្រោះតែចង់បង្កភាពងាយស្រួលដល់អ្នកបើកបរ ដោយពុំចាំបាច់ចុះមកសម្អាតផ្ទាល់ដៃ ពេលកញ្ចក់កខ្វក់។ គំនិតមួយនេះដែរ ត្រូវបានក្រុមហ៊ុនទោចក្រយានយន្តនានា មិនទទួលស្គាល់និងលុបបំបាត់ចោល ក្នុងឆ្នាំ ១៩២០។ ក្រោយមកទៀត នៅពេលដែលឡានកាន់តែរីកចម្រើនខ្លាំងទៅៗ ទើបស្នាដៃបង្កើតមួយនេះ ត្រូវបានគេយកមកប្រើប្រាស់ឡើងវិញ។

៣. សឺរ៉ាំង

Letitia Mumford Geer គឺជាស្រ្តីដំបូង ដែលបានបង្កើតសឺរ៉ាំងចាក់ថ្នាំ ក្នុងឆ្នាំ ១៨៩៦ ដែលត្រូវបានគេប្រើប្រាស់រហូតមកទល់សព្វថ្ងៃ។

៤. Wi-Fi

Hedy Lamarr ជាតារាសម្តែងស្រី ក្នុងសម័យសង្គ្រាមលោក ហើយក៏ជាអ្នកបង្កើតនិងធ្វើការលើផ្នែក បច្ចេកវិទ្យាឥតខ្សែ ដើម្បីកាត់បន្ថយបញ្ហារំខាន ក្នុងសង្រ្គាមលោកលើកទី២។ នាងមិនដែលរកចំណូលបាន ពីបច្ចេកវិទ្យាមួយនេះឡើយ ថែមទាំងឲ្យវាដោយឥតគិតថ្លៃ ទៅកាន់រដ្ឋាភិបាលអាមេរិក ដើម្បីតតាំងជាមួយក្រុមណាស៊ីស។

៥. កម្មវិធីកុំព្យូទ័រ

អ្នកស្រីបណ្ឌិត Grace Murray Hopper គឺជាឧត្ដមនាវីកងទ័ពជើងទឹកអាមេរិកនិងជាអ្នកបង្កើត COBOL ដែលជាកម្មវិធីភាសាកុំព្យូទ័រដ៏ទំនើប។ អ្នកស្រីនិងHoward Aiken បានរួមគំនិតច្នៃប្រឌិត កុំព្យូទ័រHarvard's Marl I មានទម្ងន់ដល់ទៅ ៥ តោន នៅក្នុងឆ្នាំ ១៩៤៤។

៦. ក្បួនដោះស្រាយកុំព្យូទ័រ ( algorithm)

Ada Lovelace មានម្តាយជាវិទ្យាសាស្រ្តមួយរូបឈ្មោះថា Lord Byro។ ត្រឹមអាយុ១៧ឆ្នាំប៉ុណ្ណោះ នាងបានធ្វើការជាមួយ Charles Babbage នៅឯសាកលវិទ្យាល័យក្នុងទីក្រុងឡុងដ៍ ដើម្បីសិក្សាលើគម្រោងអភិវឌ្ឍ ក្បួនដោះស្រាយកុំព្យូទ័ររហូតបានសម្រេច។

៧. នំឃុកឃីសូកូឡា

Ruth Graves Wakefield ជាមនុស្សម្នាក់ដែលស្រលាញ់ជាប់ចិត្តខាងផ្នែកដុតនំ។ នាងក៏ជាអ្នកបង្កើតនំឃុកឃី បន្ថែមគ្រាប់សូកូឡានៅពីខាងក្នុង ដែលជារសជាតិថ្មីពេញនិយមរហូតមកដល់បច្ចុប្បន្ន។