ក្នុងជំនួបពាន FA Cup ជុំទី ៤ ក្រុម Liverpool បានយកឈ្នះក្រុម Shrewsbury Town ដោយលទ្ធផល ១-០ មានសិទ្ធឡើងទៅជុំបន្តទី ៥ ជួបនឹង Chelsea ដែលកំពុង់រង់ចាំស្រាប់។

ខ្សែប្រយុទ្ធ Curtis Jones ជាប់ជាកីឡាករប្រធានក្រុមវ័យក្មេងបំផុតរបស់ Liverpool។ រូបគេ (Jones) រំភើបជាខ្លាំងពេលបំណងបានសម្រេច មិនត្រឹមតែបានបញ្ចេញសមត្ថភាពថែមទាំងជាប់ជាប្រធានក្រុមផងដែរឯមិត្តរួមក្រុមទាំង ១០ នាក់ទៀតក៏សុទ្ធតែជាឈុតយុវជនទាំងអស់។

ទោះបីជាយ៉ាងនេះក៏ដោយ ពួកគេលេងយ៉ាងល្អ យល់ចិត្តគ្នា គ្រប់គ្រងបាល់ដល់ទៅ ៥៨% ទាត់ចំគោលដៅ ៤ ដងដាក់សម្ពាធដល់ក្រុមម្ខាងទៀតរហូតដល់កីឡាករ Ro-Shaun Williams របស់ Shrewsbury ​ភ្លាត់​តែតចូល​ទី​ខ្លួន​ឯង ដែលវាគ្រាប់បាល់ជួយឲ្យហង្សក្រហមឈ្នះការប្រកួត។ ដូចនេះនៅជុំទី ៥ Chelsea ត្រូវប៉ះ Liverpool ថ្ងៃ ៦ ខែមីនាឆ្នាំ ២០២០ ខាងមុខនេះ។

ការសម្រេចចិត្តមិនដាក់កីឡាករឈុតធំបែបនេះ ក៏ដោយសារគ្រូបង្វឹកហង្សក្រហមធ្លាប់បង្ហើបហើយថា កាលវិភាគប្រកួតជាប់ៗគ្នាពេក មិនបានសម្រាកគ្រប់គ្រាន់ អាចឲ្យមានកីឡាកររបួស ជាពិសេសគឺ គោលដៅចង់លើកពានលីគឲ្យបានក្រោយខកខាន ៣០ ឆ្នាំមកហើយ បើអាច Klopp ក៏ចង់រក្សាកំណត់ត្រាឈ្នះគ្រប់ប្រកួតយកពានមាសថែមទៀតផង៕

ទស្សនាវីដេអូខាងក្រោម៖