វៀតណាម នឹងបញ្ជូនគ្រូពេទ្យជំនាញកូវីដ១៩ និងផ្តល់ជំនួយ ១០ម៉ឺនដុល្លារ ទៅឡាវ
- 2020-03-30 01:23:19
- ចំនួនមតិ 0 | ចំនួនចែករំលែក 0
វៀតណាម នឹងបញ្ជូនគ្រូពេទ្យជំនាញកូវីដ១៩ និងផ្តល់ជំនួយ ១០ម៉ឺនដុល្លារ ទៅឡាវ
ចន្លោះមិនឃើញ
រដ្ឋាភិបាលវៀតណាម បានសន្យាឈរខាងឡាវ ក្នុងការប្រយុទ្ធនឹងជំងឺកូវីដ១៩ បន្ទាប់ពីឡាវបានរកឃើញករណីឆ្លងជំងឺនេះ ជាលើកដំបូង កាលពីសប្តាហ៍មុន។
ការសន្យានេះ ធ្វើឡើងដោយនាយករដ្ឋមន្រ្តីវៀតណាម លោក ង្វៀន សួនហ្វុក ក្នុងអំឡុងពេលនិយាយតាមទូរសព្ទជាមួយនាយករដ្ឋមន្រ្តីឡាវ លោក ថងលួង ស៊ីសូលីត កាលពីថ្ងៃទី២៦ ខែមីនាកន្លងទៅ។
លើសពីនេះ លោក ង្វៀន សួនហ្វុក បានបញ្ជាក់ថា រដ្ឋាភិបាលវៀតណាមបានយល់ព្រមផ្តល់ជំនួយ ១០ម៉ឺនដុល្លារសម្រាប់ការងារទប់ស្កាត់ការរាលដាលជំងឺកូវីដ១៩ នៅឡាវ។ ជាមួយគ្នានេះ វៀតណាមនឹងបញ្ជូនក្រុមគ្រូពេទ្យជំនាញកូវីដ១៩ ទៅកាន់ប្រទេសឡាវផងដែរ។
សូមជម្រាបថា គិតត្រឹមថ្ងៃទី២៩ ខែមីនា ឆ្នាំ២០២០ ឡាវបានជួបករណីឆ្លងកូវីដ១៩ ចំនួន ៨នាក់ហើយ៕