ក្លឹបនៅអាហ្សង់ទីនដ៏ល្បីមួយ បង្ហើបថាគ្រោងនឹងយក Cavani ឆាប់ៗនេះ

2020-03-30 07:55:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Jorge Bermudez ជាប្រធានផ្នែកបច្ចេកទេសប្រចាំក្លឹប Boca Juniors ត្រូវបានគេដឹងថា កំពុងចាប់អារម្មណ៍លើខ្សែប្រយុទ្ធ Edinson Cavani របស់ក្លឹប Paris Saint-Germain ហើយក៏សង្ឃឹមថានឹងទាក់ចិត្តរូបគេឲ្យមកអាហ្សង់ទីន ឲ្យបាន។

Cavani អបអរគ្រាប់ទី ២០០ នៅ Paris /រូបថត៖ Champions League

ក្លឹប Boca Juniors គឺជាក្លឹបស្ថិតនៅប្រទេសអាហ្សង់ទីន មានកេរ្ត៍ឈ្មោះល្បីល្បាញ និងបានឈ្នះពានជាច្រើនដងផងនៅដែរ នៅក្នុងតំបន់អាមេរិកខាងត្បូង។

ដំណឹងដ៏ភ្ញាក់ផ្អើលខាងលើ បន្ទាប់ពីកុងត្រារបស់ខ្សែប្រយុទ្ធអ៊ុយរ៉ុយហ្គាយរូបនេះ នឹងផុតនៅខែ មិថុនា ឆ្នាំ ២០២០ ខាងមុខ ហើយថែមទាំងមិនទាន់ឮដំណឹងថា កីឡាករវ័យ ៣៣ ឆ្នាំនឹងបន្តជាមួយកឹ្លបទៀតឬយ៉ាងណានៅឡើយទេ។ ម្យ៉ាងទៀត កាលពីខែមករាក្លឹប Atletico Madrid ក៏មកចរចារម្តងដែរ តែមិនជោគជ័យ។ ដោយឡែកអតីតក្លឹប Napoli ក៏ចង់បានយកទៅវិញផងដែរ។

ប្រធានដដែលខាងលើបាននិយាយថា "ខ្ញុំគិតថា រូបគេចង់មកលេងឲ្យ Boca។ រូបគេជា កីឡាករមានសក្តានុពល មិនអាត្មានិយម ប្រាកណាស់ រូបគេនឹងជួយក្លឹបបានច្រើន។ ប្រសិនបើគេមកតុ ចរចារ ដូចខ្ញុំគិតនោះ ការផ្ទេរនឹងកើតឡើង។"

ទោះជា Ligue 1 បានផ្អាក ប៉ុន្តែប៉ុន្មានប្រកួតមុននោះ Cavani រកបាន ៧ គ្រាប់នៅរដូវកាល ២០១៩-២០២០ និងជាពិសេសគ្រាប់ទី ២០០ នៅ Paris៕ ប្រភព៖ livescore

អត្ថបទ៖ រក្សា