អេស្ប៉ាញមានក្លឹបធំៗ ៤ ប្រកាសកាត់ប្រាក់ខែកីឡាករទាំងលក្ខខណ្ឌខុសៗគ្នា

2020-04-09 03:07:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គិតមកទល់ពេលនេះ លីគកំពូលបាល់ទាត់ប្រទេសអេស្ប៉ាញ កំពុងរងការវាយប្រហារដោយវីរុស ខ្លាំងក្លា ដូចទៅលីគប្រទេសឯទៀត ដែលធ្វើឲ្យសកម្មភាពបាល់ទាត់បាន ផ្អាក ទាំងស្រុង។

រូបតំណាង

អស់រយៈពេលជិត ៣ ខែកន្លងមកនេះ ក្លឹបបាល់ទាត់ទាំងអស់ ក្រពុលមុខដោយហេតុថា កំពុងតែមានបញ្ហាហរិញ្ញវត្ថុ (មានតែចំណាយអត់ចំណូល)។ ជាក់ស្ដែងក្លឹបធំៗ ៤ នៅអេស្ប៉ាញមានដូចជា Real Madrid, Atlectico Madrid, FC Barcelona និង Espanyol បានប្រកាសស្នើកាត់ប្រាក់ខែកីឡាករ និងបុគ្គលិក ដើម្បីមកទប់ទល់នឹងវិបត្តិ COVID-19 ។

ការស្នើនេះ ធ្វើឡើងក្នុងគោលបំណងជួយផ្គត់ផ្គង់ ក៏ដូចជាដើម្បីធានាដល់បុគ្គលិកផ្សេងៗឲ្យទទួលបានប្រាក់ឈ្នួលពេញលេញ ខណៈដែលចំនួនភាគរយនៃការកាត់ គឺខុសៗគ្នា ព្រមទាំងមានលក្ខខណ្ខខុសៗផងដែរ អាស្រ័យទៅលើក្លឹបនិមួយៗ។

តួយ៉ាងដូចក្លឹប Real Madrid បានដាក់លក្ខខណ្ឌ ២ គឺបើកាលណាលីគត្រឡប់មកវិញ កាត់តែ ១០% បើមិនអាចត្រឡប់មកវិញ នឹងកាត់ដល់ ២០% ហើយក៏មានការព្រមព្រៀងរវាងកីឡាករ និងក្លឹបរួចហើយដែរ។ ខណៈដែលក្លឹបអ្នកជិតខាង Atlectico Madrid ប្រកាសកាត់ដល់ ៧០% រយៈពេល ៣ ខែ។

រីឯក្លឹបក្នុងតំបន់កាតាឡាន់ FC Barcelona និងក្លឹបអ្នកជិតខាង Espanyol បានប្រកាសកាលពីខែមុនដោយសម្រេចថា នឹងត្រូវកាត់ប្រាក់ខែ ៧០% ឯណោះរយៈពេល ៣ ខែដូចគ្នា។ ប្រការនេះបានធ្វើឲ្យតួលេខនៃការបាត់បង់ចំណូលសរុបប្រមាណ ៤៨៧ លានដុល្លារ ចំណែកចំណូលលីគ អាចនឹងបាត់បង់ដល់ទៅ ១ ប៊ីលានដុល្លារ បើសិនណាមិនអាចត្រឡប់មកបញ្ចប់រដូវកាល ដូចសព្វដង ៕