អាល់កុលក្លែងក្លាយជិត ៧ម៉ឺនលីត្រត្រូវបានកម្ទេចចោលព្រឹកនេះ
- 2020-04-10 06:10:47
- ចំនួនមតិ 0 | ចំនួនចែករំលែក 0
អាល់កុលក្លែងក្លាយជិត ៧ម៉ឺនលីត្រត្រូវបានកម្ទេចចោលព្រឹកនេះ
ចន្លោះមិនឃើញ
អាល់កុលក្លែងក្លាយដែលជាសារធាតុមេតាណុលជាង ៣០តោន ត្រូវបានយកមកកម្ទេចចោលនៅស្ថានីយ៍បូមទឹកទំនប់កប់ស្រូវដែលមានទីតាំងនៅសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញព្រឹកថ្ងៃទី១០ ខែមេសា ឆ្នាំ២០២០នេះ។
អាល់កុលក្លែងក្លាយជាង ៣០តោន ដែលត្រូវបាន អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំរបស់ក្រសួងពាណិជ្ជកម្ម យកមកកម្ទេចនេះគឺជា អាល់កុលក្លែងក្លាយដែលមន្ត្រីជំនាញនៃអគ្គនាយកដ្ឋានសហការជាអាជ្ញាធរពាក់ព័ន្ធត្រូវបានរកឃើញ និងដកហូតបានចំនួន ៨លើកចាប់ពីថ្ងៃទី១៨ ខែមីនា ដល់ ថ្ងៃទី៤ ខែមេសា ឆ្នាំ ២០២០។
លោក ឌឹម ថេង បន្ថែមថា អាល់កុលក្លែងក្លាយដែលជាសារធាតុមេតាណុល ដែលរកឃើញ និងដកហូតបានទាំង ៨លើកគឺមានបរិមាណសរុបជាង៦០តោន ឬស្នើនឹង ៦៤ ៨៤៩លីត្រ។
យោងតាមឯកសាររបស់អគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំបានបញ្ជាក់ថា អាល់កុលក្លែងក្លាយដែលជាសារធាតុមេតាណុលគឺជាសារធាតុពុលមិនអាចយកមកប្រើប្រាស់ក្នុងការកម្ចាត់មេរោគ ព្រោះវាអាចគ្រោះថ្នាក់ធ្ងន់ធ្ងរដល់សុខភាពមនុស្ស។
ផលប៉ះពាល់មេតាណុលទៅលើសុខភាពតាមរយៈការស្រូបចូល ឬជ្រាបចូលតាមស្បែក៖
រយៈពេលខ្លី៖ ធ្វើឲ្យមនុស្ស ឈឺក្បាល វិលមុខ ច្របូលច្របល់ បាត់ស្មារតីរំខានដល់ការរំលាយអាហារ និងភ្នែក
រយៈពេលវែង៖ អាចពុលដល់ប្រព័ន្ធរាងកាយ ខូចដល់ប្រព័ន្ធខួរក្បាល ការមើលឃើញចុះខ្សោយ ស្រវាំង និងអាចងងឹតទាំងស្រុង
គ្រោះថ្នាក់ដល់ស្លាប់៖ ប្រសិនបើមានការដាក់លាយជាមួយស្រា ឬជាមួយភេសជ្ជៈផ្សេងៗ(ករណីនេះធ្លាប់មានកើតឡើងជាញឹក ញាប់នៅក្នុងប្រទេសយើង ក៏ដូចជាប្រទេសមួយចំនួនដែលនិយមផឹកស្រា ស) ៕
ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ
-Android: play.google.com
-iOS: apps.apple.com/us/app