Son Heung-min ខ្សែ​ប្រយុទ្ធ​ឆ្នើម​ក្រុម​មាន់​ខ្នាយមាស Spurs ត្រូវ​បាន​ក្លឹបអនុញ្ញាតឲ្យ​ត្រឡប់​ទៅ​ប្រទេស​កូរ៉េខាងត្បូង ដែល​ជា​ទឹក​ដី​កំណើត ដើម្បី​បំពេញ​បែបបទ​ចូល​ហ្វឹកហ្វឺន​វគ្គមូលដ្ឋាន​យោធា ដោយ​ចាប់ផ្តើម​នៅថ្ងៃ​នេះ​ហើយ​។

​បើ​យោង​តាម​ប្រភព​ពី​សារព័ត៌មាន​កូរ៉េ​ចុះ​ផ្សាយ​ថា Son Heung-min គ្រាន់តែ​ចូលហ្វឹកហាត់​វគ្គមូលដ្ឋានចំនួន ២០ ថ្ងៃ​ ឬ ៤ សប្តាហ៍​ប៉ុណ្ណោះ ជំនួស​ឲ្យ​ការ​​ចូលបម្រើ​កងទ័ពចំនួន ២ ឆ្នាំ ដែលជាកាតព្វកិច្ចធំ​បំផុត​សម្រាប់​បុរស​ៗ​នៅ​កូរ៉េខាងត្បូង​។ វគ្គមូលដ្ឋាន​នេះ​​ នឹង​ត្រូវ​ចាប់​ផ្តើម​បោះជំរុំ​ចាប់​ពី​ថ្ងៃ​ទី ២០ ខែមេសា​នៅ​ភាគ​ខាង​ត្បូង​កោះ Jeju ដែល​មាន​ទាំង​វិញ្ញាសារ​ផ្នែក​ជើងទឹក និង​ជើង​គោក។

Son បានរួចផុតពីកាតព្វកិច្ចយោធា ដោយសារ​តែ​ម្ចាស់​អាវ​លេខ ៧ រូបនេះនិងអត្តពលិក​ដដៃ​ទៀត បានជួយ​ឲ្យ​ជម្រើសជាតិ​កូរ៉េខាងត្បូងឈ្នះ មេដាយមាស Asian Game នៅប្រទេស​ឥណ្ឌូនេស៊ី កាលពីឆ្នាំ ២០១៨ កន្លងទៅ​៕

ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ

-Android: play.google.com

-iOS: apps.apple.com/us/app