រឿងភ្ញាក់ផ្អើលទាំង ១៥ ដែលអ្នកមិនដឹងពីកូរ៉េខាងជើង
- 2020-04-27 01:05:56
- ចំនួនមតិ 0 | ចំនួនចែករំលែក 0
រឿងភ្ញាក់ផ្អើលទាំង ១៥ ដែលអ្នកមិនដឹងពីកូរ៉េខាងជើង
ចន្លោះមិនឃើញ
ខាងក្រោមនេះ គឺជារឿងរ៉ាវដ៏គួរឱ្យចាប់អារម្មណ៍ទាំង១៥ ពីប្រទេសកូរ៉េខាងជើង៖
១. ការប្រើប្រាស់ និងជួញដូរកញ្ឆា គឺស្របច្បាប់នៅកូរ៉េខាងជើង។
២. ប្រតិទិន របស់កូរ៉េខាងជើង គឺយកតាមថ្ងៃកំណើតរបស់លោក គីម អ៊ីលសុង ពីថ្ងៃទី១៥ មេសា ១៩១២។ មានន័យថា ឆ្នាំនេះពុំមែនជាឆ្នាំ ២០១៧ នៅកូរ៉េខាងជើងឡើយ ពោលគឺជាឆ្នាំ ១០៥។
៣. ប៉ូលិសចរាចរណ៍ ត្រូវបានប្រើប្រាស់ជំនួសភ្លើងស្តុប។ ទោះបីជាមានភ្លើងស្តុប នៅតាមចំណុចមួយចំនួនក៏ដោយ ប៉ុន្តែភាគច្រើនគឺសុទ្ធតែមិនដំណើរការនោះទេ។
៤. កូរ៉េខាងជើង មានកីឡដ្ឋានដ៏ធំបំផុតក្នុងពិភពលោក ដែលមានកៅអីសម្រាប់អ្នកទស្សនាចំនួន ១៥ម៉ឺន។
៥. អ្នកជាប់ទោសម្នាក់ នឹងប៉ះពាល់ដល់ក្រុមគ្រួសារទាំងមូល ជីដូនជីតា ឪពុកម្តាយ និងកូន។
៦. អំឡុងទសវត្សរ៍ឆ្នាំ ១៩៩០ គ្រូទាំងអស់ តម្រូវឲ្យរៀនលេងឧបករណ៍ភ្លេង អាគ័រដេអ៊ុង (Accordion)។ បច្ចុប្បន្ននេះ ពលរដ្ឋជាច្រើន នៅតែមានជំនាញលើឧបករណ៍នេះ។
៧. មានទីក្រុងក្លែងក្លាយ១ នៅជិតព្រំដែនកូរ៉េខាងត្បូង ដើម្បីបំភ័ន្ត និងបំភ័យកូរ៉េខាងត្បូង។ ក្រុងនេះ ត្រូវបានបង្កើតឡើងក្រោយសង្គ្រាមកូរ៉េ ដោយមានឈ្មោះថា Kijong-dong។
៨. កូរ៉េខាងជើង មានអ្នកចេះអក្សរ ៩៩% នៃប្រជាជនទាំងអស់។
៩. កូរ៉េខាងជើង មានប៉ុស្តិ៍ទូរទស្សន៍ តែ ៣ប៉ុស្តិ៍ទេ ក្នុងនោះ ២ប៉ុស្តិ៍ អាចទស្សនាបានតែថ្ងៃចុងសប្តាហ៍ ចំណែក ១ប៉ុស្តិ៍ ទស្សនាបានជារៀងរាល់ថ្ងៃ ប៉ុន្តែបានតែពេលល្ងាចប៉ុណ្ណោះ។
១០. ក្រុងព្យ៉ុងយ៉ាង មានប្រជាជន ៣លាននាក់ ប៉ុន្តែអ្នករស់នៅក្នុងទីក្រុងនេះ គឺមានតែឥស្សរជន អ្នកមានទ្រព្យសម្បត្តិ និងពលរដ្ឋស្មោះត្រង់ប៉ុណ្ណោះ។
១១. កូរ៉េខាងជើង ប្រើលាមកមនុស្ស ជំនួសជី ក្នុងការដាំដុះ។
១២. ប្រជាជនកូរ៉េខាងជើង មានជាង ២៥លាននាក់ ក្នុងនោះជាងពាក់កណ្តាល រស់នៅក្នុងភាពក្រីក្រខ្លាំង។
១៣. កូរ៉េខាងជើង មានទាហានសកម្ម និងបម្រុងជាង ៧លាននាក់ ដែលជាចំនួនដ៏ច្រើនបំផុតក្នុងពិភពលោក។
១៤. ការបោះឆ្នោតនៅកូរ៉េខាងជើង ធ្វើឡើងជារៀងរាល់ ៥ឆ្នាំម្តង ប៉ុន្តែមានជម្រើសតែមួយគត់។
១៥. ស្រ្តីកូរ៉េខាងជើង អាចធ្វើសក់បាន ២៨ម៉ូដ ចំណែកបុរសបានត្រឹម ១០ម៉ូដប៉ុណ្ណោះ៕