ម៉ាកស្មាតហ្វូនលេខមួយនៅអេស្ប៉ាញ មិនមែនជា Apple/Huawei ក៏មិនមែន Samsung

2020-05-08 02:25:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការប៉ះទង្គិចលើទីផ្សារស្មាតហ្វូននាត្រីមាសទីមួយឆ្នាំ ២០២០ ដោយសារការផ្ទុះជំងឺកូវីដ១៩ គេឃើញម៉ាកស្មាតហ្វូនធំមួយលេចត្រដែតខ្លាំងឡើងនៅអឺរ៉ុបខាងលិចគឺ Xiaomi ដែលពេលនេះឈរនៅចំណាត់ថ្នាក់លេខ ៤ នៅក្នុងតំបន់។ នេះបើតាមតួលេខរបស់ក្រុមហ៊ុនស្រាវជ្រាវទីផ្សារ Canalys។

តួលេខខាងលើបង្ហាញថា Xiaomi កាន់កាប់ចំណែកទីផ្សារ ១០% នៅត្រីមាសទី ១ ឆ្នាំ ២០២០ ដែលកើនឡើង ៧៩% ធៀបនឹងឆ្នាំមុន។ ចំណែក Huawei ឈរនៅលំដាប់លេខ ៣ មានចំណែកទីផ្សារ ១៨% ប៉ុន្តែធ្លាក់ចុះ ៤០%។ ប្រសិនបើទំនោរឡើងចុះនេះបន្តកើតមាន នោះ Xiaomi អាចឡើងឈរតំណែងលេខ ៣ នៅអឺរ៉ុបខាងលិចបានជាមិនខាននោះទេ។

Canalys បានប្រាប់ឲ្យដឹងថា Xiaomi ឈរនៅលំដាប់ថ្នាក់លេខ ១ នៅអេស្ប៉ាញ ជាមួយចំណែកទីផ្សារ ២៨% ដែលកើនឡើង ៤៦%។ តាមពីក្រោយដោយ Huawei, Samsung និង Apple ដែលសុទ្ធតែមានថយចុះចំណែកទីផ្សារធៀបនឹងត្រីមាសឆ្នាំមុន។ ចំណែក OPPO មានចំណែកទីផ្សារ ៣% មានកំណើនរហូតដល់ ១០២៤% ឯណោះ។

គួរដឹង Xiaomi ក៏ស្ថិតនៅលំដាប់លេខ ៣ នៅអ៊ីតាលី (កំណើន ៣០៦% ធៀបនឹងត្រីមាសឆ្នាំមុន) និងលេខ ៤ នៅបារាំង (កំណើន ៨៣%)៕

ប្រភព៖ Androidauthority ប្រែសម្រួល៖ សុខហេង