ទ័ពកូរ៉េខាងជើង ព្រលះកូរ៉េខាងត្បូងរឿងធ្វើសមយុទ្ធយោធា

2020-05-08 03:08:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកនាំពាក្យយោធាកូរ៉េខាងជើង បានរិះគន់យ៉ាងខ្លាំងចំពោះការធ្វើសមយុទ្ធយោធារបស់កូរ៉េខាងត្បូង ដោយហៅថាជាសកម្មភាពគគ្លើន និងបង្កហេតុ។ នេះបើតាមការចុះផ្សាយរបស់សារព័ត៌មានកូរ៉េខាងជើង KCNA នៅថ្ងៃទី៨ ខែឧសភា ឆ្នាំ២០២០។

រូបតំណាង

យោធាកូរ៉េខាងជើង បន្ទោសដូច្នេះថា៖ «**នេះជាការបង្កហេតុដ៏ធ្ងន់ធ្ងរ ដែលមិនធ្លាប់ឃើញពីមុនមកឡើយ ហើយស្ថានភាពនេះ ទាមទារឱ្យមានប្រតិកម្មតបតរវិញជាចាំបាច់ពីយើង**»។

ប្រភពដដែលបន្តថា កាយវិការបែបនេះ មិនជួយសម្រាលភាពតានតឹងនៅឧបទ្វីបកូរ៉េឡើយ ផ្ទុយទៅវិញ ស្ថានការណ៍នេះ បានវិលទៅចំណុចមុនកិច្ចប្រជុំកំពូលកូរ៉េខាងជើង កាលពីឆ្នាំ២០១៨ វិញហើយ។

សូមជម្រាបថា កាលពីថ្ងៃទី៦ ខែឧសភា ឆ្នាំ២០២០កន្លងទៅ យោធាកូរ៉េខាងត្បូង បានធ្វើសមយុទ្ធនៅក្នុងដែនសមុទ្រភាគខាងលិចកូរ៉េ ដែលមានការចូលរួមពីយន្តហោះចម្បាំង និងទូកជាង ២០គ្រឿង៕

ប្រភព៖ Xinhua ប្រែសម្រួល៖ សំភី