ស្វា​១​ក្បាល​រើស​កូន​ឆ្កែ​អនាថា មក​ចិញ្ចឹម​បីបាច់​ដូច​កូន​បង្កើត!

  • 2020-05-15 01:43:33
  • ចំនួនមតិ 0 | ចំនួនចែករំលែក 0

ចន្លោះមិនឃើញ


Rhesus គឺ​ជា​សត្វ​ស្វា​១​ក្បាល ដែល​ទទួល​បាន​ការ​កោត​សរសើរ​ជា​ខ្លាំង​ពី​សំណាក់​មហាជន ដោយសារ​តែ​ក្ដី​អាណិត​ស្រឡាញ់​របស់​វា​មិន​ងាយ​ឃើញ​សត្វដទៃ​​ណា​​​អាច​ធ្វើ​ដូច​បាន។ ស្ថិត​នៅ​ក្នុង​ស្រុក Rode ប្រទេស​ឥណ្ឌា សត្វ​ស្វា Rhesus បាន​រើស​យក​កូន​ឆ្កែ​អនាថា​១​​ក្បាល​មក​ចិញ្ចឹម​បីបាច់​ថែ​រក្សា​ ហាក់​បី​ដូចជា​កូន​បង្កើត​របស់​វា​អ៊ីចឹង។

Rhesus រមែង​តាម​ថែទាំ​កូន​ឆ្កែ​​ជាប់​ជានិច្ច ហើយ​​បាន​ការពារ​វា​ពី​ការ​វាយ​ប្រហារ​ពី​ពពួក​ឆ្កែ​តាម​ផ្លូវ​នានា​ផង​ដែរ។ ប្រជាជន​នៅ​ទីនោះ​ដំបូង​ឡើយ​គិត​ថា​ វា​ជា​រឿង​ចម្លែក តែ​ក្រោយ​មក​ពួក​គេ​ក៏​​បាន​បង្ហាញ​សេចក្ដី​​​អាណិត​ស្រឡាញ់​យ៉ាង​ខ្លាំង​ចំពោះ​ចិត្ត​សប្បុរ​ស​របស់​ស្វា Rhesus។ អ្នក​ស្រុក​បាន​ចាប់​ផ្ដើម​បោះ​ចំណី​អាហារ​ឲ្យ​ Rhesus និង​កូន​ឆ្កែ។ អ្វី​ដែល​គួរ​ឲ្យ​ចាប់​អារម្មណ៍​នោះ​គឺ​ថា សត្វ​ស្វា​តែង​ឲ្យ​កូន​ឆ្កែ​ស៊ី​ចំណី​មុន​វា​​ទើប​វា​ហ៊ាន​ស៊ី​​តាម​ក្រោយ។

មិន​ថា​តែ​ប្រជាជន​នៅ​ក្នុង​ស្រុក​ភូមិ​នោះ​ទេ សូម្បី​សារព័ត៌មាន​​ជា​ច្រើន​នៅ​ក្នុង​ប្រទេស​ឥណ្ឌា​ក៏​ចុះ​ផ្សាយ​ពី​រឿង​​មនោសញ្ចេតនា​រវាង​ស្វា​និង​កូន​ឆ្កែ​​១​គូ​នេះ​ជា​ហូរហែ​ផង​ដែរ ដោយ​លើក​ឡើង​អំពី​គុណ​តម្លៃ ក៏​ដូចជា​មេរៀន​ជីវិត​ពាក់ព័ន្ធ​នឹង​ទំនាក់​ទំនង​ដោយ​មិន​ប្រកាន់​ពូជ ឬ​ប្រភេទ​ឡើយ៕

ប្រភព៖ One Green Planet ប្រែ​សម្រួល៖ ឈាង.

អត្ថបទថ្មី
;