ដូណាល់ ត្រាំ ហៅអង្គការសុខភាពពិភពលោកថា ជាអាយ៉ងរបស់ចិន
- 2020-05-19 02:20:16
- ចំនួនមតិ 0 | ចំនួនចែករំលែក 0
ដូណាល់ ត្រាំ ហៅអង្គការសុខភាពពិភពលោកថា ជាអាយ៉ងរបស់ចិន
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ បានវាយប្រហារធ្ងន់ៗទៅលើអង្គការសុខភាពពិភពលោក (WHO) ដោយហៅអង្គការនេះថាជា អាយ៉ង របស់ចិន ព្រមទាំងព្រមានថា កាត់បន្ថយ ឬលុបចោលការគាំទ្ររបស់អាមេរិក មកលើ WHO តែម្តង។
លោកបានថ្លែងនៅសេតវិមានកាលពីថ្ងៃទី១៨ ខែឧសភា ឆ្នាំ២០២០ យ៉ាងដូច្នេះថា «ពួកគេគឺជា អាយ៉ងរបស់ចិន ពួកគេជាអ្នកលើកជើងចិនឱ្យឃើញថា ចិនកាន់តែល្អ។ ពួកគេផ្តល់ឱ្យយើងនូវការទូន្មានដ៏អាក្រក់ជាច្រើន»។
លោកត្រាំ លើកឡើងថា អាមេរិកបានចំណាយប្រហែល ៤៥០លានដុល្លារក្នុងមួយឆ្នាំឱ្យទៅអង្គការ WHO ដែលជាអ្នកវិភាគទានធំជាងគេបង្អស់។ ប៉ុន្តែការចំណាយនេះគ្រោងនឹងកាត់ផ្តាច់ចោលវិញហើយ។
ប្រធានាធិបតីរូបនេះ អះអាងទៀតថា ចិនឱ្យ WHO តែ ៤០លានដុល្លារប៉ុណ្ណោះក្នុងមួយឆ្នាំ ហើយប្រៀបធៀបថា «ពី ៤៥០លានដុល្លាររបស់យើង ចុះមកសល់ត្រឹម ៤០លានដុល្លាររបស់ចិន ប៉ុន្តែបែរជាមានអ្នកខ្លះគិតថា វាជាចំនួនច្រើនទៅវិញ»៕