ទើបតែបង្ហោះរូបស្អាតឥតទាស់ Yang Zi ត្រូវគេចោទថាលួចចម្លង IU ទាំងស្រុង
- 2020-05-22 02:35:00
- ចំនួនមតិ 0 | ចំនួនចែករំលែក 0
ទើបតែបង្ហោះរូបស្អាតឥតទាស់ Yang Zi ត្រូវគេចោទថាលួចចម្លង IU ទាំងស្រុង
ចន្លោះមិនឃើញ
យូរលង់ណាស់មកហើយ ទើបគេឃើញកម្រងរូបភាពស្អាតរបស់តារាសម្ដែងស្រីជួរមុខចិន Yang Zi ដូចនេះ។ យ៉ាងណាក្ដី តារាស្រីរូបនេះ និងក្រុមការងាររបស់នាងត្រូវបានរិះគន់ភ្លាមៗព្រោះរងការចោទប្រកាន់លួចចម្លងគំនិតគេទាំងស្រុង។
ក្រោយស្ងប់ស្ងាត់អស់មួយរយៈពេលខ្លី មុននេះបន្តិច តារាសម្ដែងស្រីលំដាប់ A ចិន ទើបតែបង្ករការចាប់អាមរ្មណ៍ជាថ្មី នៅពេលបង្ហោះកម្រងរូបភាពថ្មីរបស់ខ្លួន។ ជាមួយនឹងស្ទីលបែបគួរឲ្យស្រលាញ់ ស្រីស្អាតវ័យ ២៨ ឆ្នាំត្រូវបានគេសរសើរថាក្រមិចក្រមើមគួរឲ្យក្នាញ់។ នៅលើបណ្ដាញសង្គម រូបភាពរបស់តួរឿង Ash of Love ក៏ត្រូវបានគេចែករំលែកច្រើនដែរ។
យ៉ាងណាក្ដី ក្រោយនោះមិនយូរប៉ុន្មាន ទស្សនិកជនមួយចំនួនបានរកឃើញថា រូបភាពទាំងនេះគឺស្ទើរតែដូចគ្នាទាំងស្រុងជាមួយនឹងរូបភាពបញ្ចេញមុននោះរបស់កំពូលតារាចម្រៀង និងសម្ដែងកូរ៉េ IU។ តាមនោះដែរ តាមការសង្កេតឃើញ រូបភាពទាំងនេះគឺប្រៀបបានដូច Copy និង Paste មកតែម្ដង។
គួរបញ្ជាក់ផងដែរថា រូបភាពរបស់ IU ត្រូវបានបញ្ចេញតាំងពីពេលនាងចេញបទ Love Poem មកម៉្លេះ។ ពីរូបផ្កា ដល់រូបប៉ោងប៉ោងគឺដូចគ្នា ៩៩,៩៩%។ មនុស្សជាច្រើនបានរិះគន់ក្រុមការងាររបស់តារាកើតឆ្នាំ ១៩៩២ជាខ្លាំង ដែលលួចគំនិតគេធ្វើឲ្យនាងរងការរិះគន់ជាដំណំ៕
អានបន្ត៖ Dilraba បង្អួតរាងស្អាតឥតខ្ចោះ ពេលគ្រងឈុតកូនក្រមុំ អ្នកគាំទ្រអត់សរសើរមិនបាន