តារាសម្ដែងស្រីវៀតណាមសម្រកបាន២០គីឡូ ដោយមិនតមអាហារសូម្បីមួយថ្ងៃ តែមានតិចនិកពិសេស
- 2020-05-25 02:55:00
- ចំនួនមតិ 0 | ចំនួនចែករំលែក 0
តារាសម្ដែងស្រីវៀតណាមសម្រកបាន២០គីឡូ ដោយមិនតមអាហារសូម្បីមួយថ្ងៃ តែមានតិចនិកពិសេស
ចន្លោះមិនឃើញ
តារាសម្ដែងស្រីល្បីឈ្មោះវៀតណាម Miu Le កំពុងទទួលបានចំណាប់អារម្មណ៍ជាខ្លាំងពីសំណាក់ ទស្សនិកជនដែលចង់សម្រកគីឡូ ព្រោះនាងបានទទួលផលសម្រេចក្នុងការបញ្ចុះទម្ងន់ដោយមិនតមអាហារនោះឡើយ។
កាលពីពេលថ្មីៗនេះ តារាសម្ដែង និងចម្រៀងស្រីជួរមុខវៀតណាមឈ្មោះ Miu Le បានបង្ករការចាប់អារម្មណ៍ជាខ្លាំង ក្រោយពេលបង្ហាញពីសមិទ្ធិផលសម្រកគីឡូ របស់ខ្លួនក្រោយរយៈពេល ១៣ខែ។ យ៉ាងណាក្ដី អ្វីដែលធ្វើឲ្យគេរឹតតែភ្ញាក់ផ្អើលនោះគឺ ទោះបីជាសម្រកបានដល់ទៅ ២០គីឡូ ក៏ពិតមែនតែស្រីស្អាតរូបនេះបានឲ្យដឹងថាខ្លួនមិនបានតមអាហារសូម្បីតែមួយថ្ងៃ។
“ម្នាក់ស្រីខាងឆ្វេងតមញ៉ាំបាយ ម្នាក់ស្រីខាងស្ដាំញ៉ាំបាយធម្មតា។ ខ្ញុំនិយាយមែន មិនកុហកឡើយ ស្រីស្អាត២៨ឆ្នាំសរសេរលើបណ្ដាញសង្គមរបស់ខ្លួន"។ តាមការចែករំលែករបស់ខ្លួន តារារូបនេះបានឲ្យដឹងថា នៅពេលចង់សម្រកគីឡូដោយការបង្អត់អាហារ អ្នកនឹងស្រកគីឡូលឿន ប៉ុន្តែនឹងទទួលបាន Yo Yo Effect ដែលនឹងធ្វើឲ្យអ្នកញ៉ាំច្រើនជាងមុនលើសដើម ដែលជាហេតុផលធ្វើឲ្យអ្នកធាត់ជាងមុន។ ដោយសារតែខ្លួនធ្លាប់ឆ្លងកាត់ហើយ ទើបតារាស្រីនេះបានឲ្យដឹងថា ខ្លួននាងផ្ទាល់ធ្លាប់បង្អត់អាហារដល់ឈឺក្រពះត្រូវសង្គ្រោះបន្ទាន់ តែចុងបញ្ចប់នៅតែធាត់។
ដូចនេះហើយ នាងបានងាកមករកការបរិភោគអាហារវិញ ប៉ុន្តែបន្ថែមម៉ោងហាត់ប្រាណឲ្យច្រើនជាងមុន។ នៅលើបណ្ដាញសង្គមរបស់ខ្លួន តួរឿង Twenty Again ចែករំលែកពីរបបអាហាររបស់ខ្លួន ហើយឃើញថានាងនៅតែញ៉ាំបន្លែត្រីសាច់ជាធម្មតា តែត្រូវទៅ gym ជារៀងរាល់ថ្ងៃ ដោយមួយថ្ងៃហាត់ពី ១ម៉ោង ទៅ២ម៉ោង៕
អានបន្ត៖ ទើបតែបង្ហោះរូបស្អាតឥតទាស់ Yang Zi ត្រូវគេចោទថាលួចចម្លង IU ទាំងស្រុង