អ៊ីរ៉ង់ ត្រៀមបញ្ចេញយន្តហោះចម្បាំងផលិតក្នុងស្រុក ខណៈកំពុងប្រឈមមុខជាមួយអាមេរិក

2020-05-25 04:23:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ៊ីរ៉ង់ គ្រោងនឹងបញ្ចេញយន្តហោះចម្បាំងថ្មីសន្លាងដែលផលិតក្នុងស្រុក ខណៈប្រទេសនេះកំពុងមានភាពតានតឹងខ្លាំងជាមួយអាមេរិក។

លោក Mohammad Zalbeigi មេបញ្ជាការកងទ័ពអាកាសអ៊ីរ៉ង់ បានបញ្ជាក់ប្រាប់សារព័ត៌មាន Mehr កាលពីថ្ងៃទី២៤ ខែឧសភា ឆ្នាំ២០២០ថា អ៊ីរ៉ង់កំពុងផលិតយន្តហោះថ្មីមួយទៀត បន្ថែមពីលើយន្តហោះចម្បាំងដែលបញ្ចេញកាលពីខែសីហា ឆ្នាំ២០១៨។

យន្តហោះចម្បាំង Kowsar របស់អ៊ីរ៉ង់

លោកថ្លែងថា៖ «**យើងនឹងឃើញការរចនានិងការផលិតយន្តហោះនៅកងទ័ពជើងអាកាស នាពេលអនាគត ដោយសន្យាថា យន្តហោះថ្មីនេះនឹងត្រូវបញ្ចេញនាពេលឆាប់ៗ**»។

លោកបានឱ្យដឹងថា យន្តហោះដែលបញ្ចេញក្នុងឆ្នាំ២០១៨ ឈ្មោះ Kowsar គឺបានដាក់ឱ្យប្រើប្រាស់ក្នុងជួរកងទ័ពអាកាសទៅហើយ ពោលគឺវាជាគំរូនៃវឌ្ឍនភាពរបស់កងទ័ពអ៊ីរ៉ង់។ «ក្នុងអំឡុងព្យុហយាត្រាឆ្នាំមុន គ្រប់គ្នាបានឃើញពីការហោះហើររបស់ Kowsar រួចហើយ ដែលមានប្រព័ន្ធទំនើបបំផុតក្នុងពិភពលោក»៕

ប្រភព៖ Almasdarnews