មើលមិនចង់ស្គាល់! រូបរាងតារាក្បាច់គុន Sammo Hung ឃើញហើយអ្នកគាំទ្រគាំងវាចា

2020-05-28 03:17:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកផលិតកុន និងជាតារាក្បាច់គុន Sammo Hung ជាតារាហុងកុងដ៏ល្បីល្បាញពេញទ្វីបអាស៊ី។ បងធំកុងហ្វូរូបនេះបានបង្កើតប្រវត្តិសាស្ត្រជាច្រើន ពេលបង្ហាញស្នាដៃរាប់មិនអស់ក្នុងខ្សែភាពយន្តនាពេលកន្លងមក។

មកដល់ពេលបច្ចុប្បន្ន លោកមានអាយុ ៦៨ឆ្នាំហើយ ហើយក៏ជាពេលដេលលោកត្រូវចំណាយពេលឯកជនច្រើនជាងសិល្បៈ ម្យ៉ាងក៏ស្របពេលលោកមានវ័យចាស់ សុខភាពក៏មិនមាំមួនដែរ។ ប៉ុន្តែថ្មីៗនេះ តារាចម្រៀង Alan Tam បានបង្ហាញរូបបច្ចុប្បន្នរបស់ Sammo Hung ពេលញ៉ាំអាហារជាមួយគ្នា។

ឃើញរូបរបស់តារាជើងចាស់រូបនេះភ្លាម អ្នកប្រើបណ្ដាញអ៊ីនធើណិតមានការភ្ញាក់ផ្អើលជាខ្លាំងស្ទើមើលមិនស្គាល់ ដោយសារពេលនេះរូបរាងរបស់លោកប្រែជាស្គម មិនធាត់ទ្រលុកទ្រលុនដូចកាលពីមុនទេ។

បើរម្លឹកកាលពីឆ្នាំ ២០១៧ Sammo បានវះកាត់ក្បាលជង្គង់ ជាហេតុប៉ះពាល់ដល់ការធ្វើចលនារបស់លោក។ ប៉ុន្តែក្រោយមើលថែយ៉ាងយកចិត្តទុកដាក់របស់ក្រុមគ្រូពេទ្យ លោកក៏បានធូរស្រាលឡើងវិញ គ្រាន់តែក្បាលជង្គង់នៅមិនទាន់ស្រួល ជាហេតុលោកត្រូវជិះលើរទេះរុញជាជំនួយសិន។

ដោយឡែកបើយោងតាម Janet Chow កូនប្រសារបស់តារាជើងចាស់ខាងលើបានឲ្យដឹងថា ដោយសារតែទម្ងន់ធាត់ពេក ផ្ដល់នូវផលពិបាកដល់សុខភាព និងការធ្វើចលនាផងនោះ ទើបឪពុកក្មេករបស់នាងត្រូវព្យាយាមតមអាហារ សម្រកទម្ងន់ខ្លះដើម្បីពង្រឹងសុខភាពឲ្យកាន់តែល្អឡើងវិញ៕

ប្រភព៖ jaynestars ប្រែសម្រួល៖ យី សុធារី