ប្រទេស​១នេះ ស្រាប់តែ​ផ្ទុះបាតុកម្ម​ប្រឆាំង​នឹងការ​ស្លាប់​បុរស​ស្បែកខ្មៅ ដែល​ស្លាប់​តាំងពីឆ្នាំ​២០១៦

  • 2020-06-03 06:54:08
  • ចំនួនមតិ 0 | ចំនួនចែករំលែក 0

ចន្លោះមិនឃើញ


មនុស្ស​ប្រមាណ ២ម៉ឺននាក់បាន​ប្រមូលផ្តុំធ្វើការតវ៉ាប្រឆាំងនៅក្រុងប៉ារីស ប្រទេស​បារាំង កាលពីថ្ងៃទី​២ ខែមិថុនា ឆ្នាំ​២០២០ ជុំវិញ​ការស្លាប់​របស់​បុរសស្បែកខ្មៅឈ្មោះ Adama Traore នៅក្នុងពន្ធនាគារ ក្នុង​ឆ្នាំ​២០១៦។ ការ​ធ្វើបាតុកម្មនេះ គឺភ្ជាប់ទៅ​នឹងព្រឹត្តិការណ៍ដែល​បាននឹង​កំពុងកើតឡើងនៅអាមេរិក ពាក់ព័ន្ធ​ការស្លាប់របស់ George Floyd។

នៅពេល​ចាប់ផ្តើមធ្វើការតវ៉ា ពួកគេ​គ្រាន់តែប្រមូលផ្តុំដោយអហិង្សា ប៉ុន្តែស្រាប់តែ​ផ្ទុះអំពើហិង្សា ដោយ​គប់​ដុំថ្មដាក់ប៉ូលិស។ ភ្លាមៗនោះ ប៉ូលិសក៏បាញ់​ឧស្ម័ន​បង្ហូរទឹកភ្នែក​បង្ក្រាបវិញ។

ក្រៅពីក្រុងប៉ារីស ក៏មាន​ការធ្វើបាតុកម្មផងដែរនៅតាមក្រុងផ្សេងទៀតដូចជា Marseille, Lyon និង Lille។

គួរ​រំលឹក​ថា Adama Traore បាន​ស្លាប់នៅក្នុងប៉ុស្តិ៍ប៉ូលិសនាជាយក្រុងប៉ារីស បន្ទាប់ពីត្រូវបាន​ប៉ូលិស​ចាប់ចង និង​សន្លប់បាត់​ស្មារតី​ក្នុងឡានប៉ូលិស នៅឆ្នាំ​២០១៦។ ក្រោយការស្លាប់នោះ ក៏មាន​ការធ្វើបាតុកម្មប្រឆាំង​ជាច្រើនថ្ងៃផងដែរ៕

ប្រភព៖ BBC

;