អស្ចារ្យណាស់! Ronaldo បំណែកកំណត់ត្រា១ មិនធ្លាប់មាននៅក្នុងពិភពបាល់ទាត់

2020-06-05 06:07:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មានកំណត់ត្រាថ្មីមួយទៀតហើយ ដែលបង្កើតឡើងដោយ Cristiano Ronaldo ហើយវាជារឿងមិនធ្លាប់កើតឡើងនៅក្នុងប្រវត្តិសាស្ត្របាល់ទាត់ពីមុនសោះឡើយ។ នោះគឺជាការរកប្រាក់ចំណូលបានដ៏ច្រើនលើសលប់រហូតដល់ខ្ទង់ ១ពាន់លានដុល្លារ។

បើតាមការចុះផ្សាយរបស់ Forbes ចន្លោះពីថ្ងៃទី១ ខែមិថុនា ឆ្នាំ២០១៩ ដល់ថ្ងៃទី១ ខែមិថុនា ឆ្នាំ២០២០ កីឡាករឆ្នើមរបស់ក្រុម Juventus រកប្រាក់ចំណូលបានបន្ថែមចំនួន ១០៥លានដុល្លារ។ តួលេខនេះបានបង្គ្រប់បន្ថែមដល់ចំណូលសរុបដែល Ronaldo ធ្លាប់រកតាំងពីមុនមក ឲ្យឡើងដល់ ១ពាន់លានដុល្លារ (មិនទាន់គិតថ្លៃពន្ធ)។ ចំណូលភាគច្រើនរបស់ Ronaldo គឺប្រមាណជា ៦៥០លានដុល្លារបានមកពីប្រាក់ខែ ហើយនៅសេសសល់ផ្សេងទៀតរកបានពីប្រភពផ្សេងៗដូចជាការជួយផ្សព្វផ្សាយផលិតផលឲ្យក្រុមហ៊ុនជាដើម។

សូមបញ្ជាក់ថា ស្ថិតនៅក្នុងវិស័យអត្តពលកម្មវិញ Ronaldo គឺជាមនុស្សទី៣ហើយ ដែលរកបាន ១ពាន់លានដុល្លារពីអាជីពជាកីឡាករ បន្ទាប់ពី Tiger Woods និង Floyd Mayweather៕

ប្រភព៖ USAtoday ប្រែសម្រួល៖ ឈាង.