Cavani ត្រូវបានក្លឹបខ្លាំង១នៅអេស្ប៉ាញ និយាយលក្ខខណ្ឌព្រមព្រៀងរួចហើយ

2020-06-08 04:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Edinson Cavani ត្រូវបានសារព័ត៌មានអេស្ប៉ាញ រាយការណ៍ថា រូបគេបានព្រមព្រៀងលក្ខខណ្ឌផ្ទាល់ខ្លួនរួចទៅហើយ (pre-contract) ក្នុងការផ្ទេរទៅកាន់ Atletico Madrid ជាក្លឹបខ្លាំងមួយនៅទីក្រុងម៉ាឌ្រីត ជាមួយនឹងកុងត្រា ២ ឆ្នាំដោយទទួលបានតម្លៃពលកម្ម១ឆ្នាំ ១០ លានផោន។ នេះបើតាមការទម្លាយឲ្យដឹងពីភ្នាក់ងាររបស់ Cavani ៖

Cavani អបអរគ្រាប់ទី ២០០ នៅ Paris /រូបថត៖ Champions League

ខ្សែប្រយុទ្ធសញ្ជាតិអ៊ុយរ៉ុយហ្គាយ រូបនេះកំពុងតែស្ថិតក្នុងភាពស្រពិចស្រពិលពីអនាគតរបស់ខ្លួន ក្រោយពេលដែលមកទល់ពេលនេះ គេមិនទាន់ចុះកិច្ចសន្យាថ្មីនៅឡើយទេ។ កុងត្រារបស់ខ្សែប្រយុទ្ធអ៊ុយរ៉ុយហ្គាយរូបនេះ នឹងផុតនៅខែ មិថុនា ឆ្នាំ ២០២០ ខាងមុខ ថែមទាំងមិនទាន់ឮដំណឹងថា កីឡាករវ័យ ៣៣ ឆ្នាំនឹងបន្តជាមួយក្លឹបទៀតឬយ៉ាងណានៅឡើយទេ។ ម្យ៉ាងទៀត កាលពីខែមករាក្លឹប Atletico Madrid ក៏មកចរចារម្តងដែរ តែមិនជោគជ័យ។

ភ្ជាប់ជាមួយគ្នានោះដែរ សម្រង់សម្ដីមិត្តរួមក្រុម Ander Herrera (ខ្សែបម្រើអេស្ប៉ាញ) និយាយថា "ខ្ញុំដឹងថា Cavani ចង់ទៅលេងនៅអេស្ប៉ាញ។ គាត់ចូលចិត្តលីគ និងស្រលាញ់ប្រទេសមួយនេះ។ គាត់សួរនាំខ្ញុំពីព័ត៌មានជាច្រើនអំពីទីនោះ តែទោះយ៉ាងណា តាំងពីយើងចាកចេញពី Paris ខ្ញុំមិនបាននិយាយពីស្ថានភាពគាត់ច្រើននោះទេ។”

Ander Herrera មិត្តរួមក្រុម Cavani

បើយោងតាមឲ្យដឹងពីសារព័ត៌មានដដែលខាងលើរៀបរាប់ថា លោក Diego Simone កំពុងតែរៀបក្រុមថ្មីដោយសំឡឹងរក កីឡាករមានបទពិសោធន៍ច្រើន ជាមួយនឹងតម្លៃទិញផ្ដាច់កុងត្រាទាំងតម្លៃធូរឬ ថ្លៃ ដើម្បីមកពង្រឹងក្រុម ឬចាប់ដៃគូតំបន់ប្រយុទ្ធជាមួយ Alvaro Morata, Diego Costa និង Joao Felix រដូវកាលក្រោយ។ យ៉ាងណា គ្រប់យ៉ាងនៅមិនទាន់កើតឡើងនៅឡើយទេ ដូចនេះរង់ចាំមើលបន្តិចសិន៕

ប្រភព៖ football-espana | Football Italia ប្រែសម្រួល៖ រក្សា