រថយន្តយោធាដែលកម្ពុជា ទិញពីប្រទេសចិនចំនួន ២៩០គ្រឿង ត្រូវចែកជូនដល់​បណ្តា​​ស្ថាប័ន អង្គភាពនៃកងយោធពលខេមរភូមិន្ទ និងអគ្គស្នងការដ្ឋាននគរបាលជាតិ នា​ព្រឹក​ថ្ងៃទី១៨ ខែមិថុនា ឆ្នាំ២០២០។ ពិធីប្រគល់ និងទទួលរថយន្តទាំងនេះ ​ត្រូវ​បាន​ធ្វើឡើង​នៅពហុកីឡដ្ឋានជាតិអូឡាំពិក ក្រោមអធិបតីភាពលោក​ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ព​ជើង​គោក។

សូមបញ្ចាក់ថា ការទិញរថយន្តយោធាទាំងនេះ មិនត្រូវបានប្រើប្រាស់ថវិការបស់រដ្ឋ​នោះឡើយ ពោលគឺ​ជាថវិកាចូលរួមរបស់សប្បុរសជន តាមរយៈការអំពាវនាវរបស់សម្តេចតេជោនាយករដ្ឋមន្រ្ដី ហ៊ុន សែន។ រថយន្តទាំងនេះ នឹង​​ចូលរួមបម្រើដល់វិស័យ​យោធា ក៏ដូចជា​នគរបាលជាតិ សម្រាប់ជាប្រយោជន៍របស់ជាតិ៕