បើចង់មានសុវត្ថិភាព មិនគួរទុកទូរសព្ទនៅ១០កន្លែងនេះឡើយ!

2020-06-26 01:09:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ទើរតែគ្រប់គ្នាទៅហើយដែលយកទូរសព្ទដាក់តាមខ្លួននៅពេលទៅណាមកណា ហើយអ្នកខ្លះសូម្បីតែបន្ទប់ទឹក ឬបង្គន់ក៏ខានយកទូរសព្ទចូលមិនបាននោះដែរ។ ការទុកដាក់ទូរសព្ទមិនចេះតែធ្វើឡើងតាមការគិតឃើញឡើយ ព្រោះមានកន្លែងខ្លះដែលដាក់ទូរសព្ទទុកអាចបង្កជាបញ្ហាចំពោះសុខភាព ឬក៏ធ្វើឲ្យទូរសព្ទខូចជាដើម។ បើតាមអ្នកជំនាញ មានកន្លែងចំនួន១០ ដែលអ្នកមិនគួរយកទូរសព្ទទុកនោះទេ៖

១. ហោប៉ៅក្រោយ

ងាយច្រឡំចុចទៅកាន់លេខសង្គ្រាន់បន្ទាន់ដោយខ្លួនឯង (បើតាមទិន្នន័យ មាន៣០% ដែលចុចទៅ ៩១១ ជាការច្រឡំចុចដោយខ្លួនឯង)
បង្កជាបញ្ហាឈឺពោះ និងជើង (នេះបើយោងតាមការស្រាវជ្រាវមួយដែលចុះផ្សាយនៅលើវិបសាយ CR Consumer Reports)
ងាយភ្លេចទូរសព្ទ និងធ្វើឲ្យទូរសព្ទបាក់ខូច

២. ហោប៉ៅមុខ

វិទ្យុសកម្មនៃទូរសព្ទនឹងផ្ដល់ផលប៉ះពាល់ចំពោះបរិមាណ និងគុណភាពមេជីវិតឈ្មោល (សម្រាប់បុរសៗ)។ កាន់តែឧស្សាហ៍ទុកទូរសព្ទនៅហោប៉ៅមុខញឹក ផលប៉ះពាល់កាន់តែធ្ងន់ធ្ងរតាមហ្នឹង។

៣. អាវទ្រនាប់

អាចបង្កជាមហារីកសុដន់

៤. ត្រគាក

ធ្វើឲ្យឆ្អឹងត្រគាកចុះខ្សោយ

៥. ស្បែកមុខ

មិនគួរផ្អឹបទូរសព្ទជាប់នឹងស្បែកមុខទេ។ បាក់តេរីនៅលើអេក្រង់ទូរសព្ទ ឬប៊ូតុង អាចចម្លងចូលស្បែកមុខបាន។ មួយវិញទៀតគឺបញ្ហាវិទ្យុសកម្មអេឡិចត្រូម៉ាញេទិក។ ចុះនិយាយម៉េចកើត បើមិនដាក់ទូរសព្ទផ្អឹបជាប់មុខ? ដំណោះស្រាយគឺគប្បីធ្វើយ៉ាងណាឲ្យសល់ចន្លោះ ០,៥ - ១,៥សង់ទីម៉ែត្ររវាងទូរសព្ទ និងស្បែកមុខ។