Zlatan ថា “បើ Milan ចុះ​កុងត្រា​យក​ខ្ញុំ​តាំង​ពី​ដើម​រដូវកាល ឥឡូវ​ឈរ​កំពូល​តារាង​បាត់​ហើយ”

  • 2020-07-08 03:25:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ក្នុង​ជំនួប​ពាន​លីគ រវាង​ក្រុម​ AC Milan ប៉ះ​នឹង​ក្រុម​កំពូល​តារាងJuventus បញ្ចប់​ទៅ​ដោយ​លទ្ធផល ៤- ២ ។

​គ្រាប់​បាល់​ដំបូង​របស់​ Juventus ចេញ​ពី​ជើង​ខ្សែ​បម្រើ​ឆ្នើម Adrien Rabiot អូស​ញ៉ាក់​ពាក់​កណ្ដាល​តារាង​ រួច​ស៊ុត​បញ្ចូល​ទី ឯ​​គ្រាប់​ទី ២ ស៊ុត​​​ដោយ​ Cristiano Ronaldo (ជា​គ្រាប់​ទី ៣០) ក្រោយ​បង្ហាញ​ខ្លួន ៣១ ដងក្នុង​លីគ​។

​ចូល​ដល់​តង់​ទី ២ AC Milan ក៏​វាយ​បក​រក​គ្រាប់​បាល់​ ៤ កើត​ឡើង​ត្រឹម​នាទី ៦២, ៦៦, ៦៧, និង ៨០ ​ស៊ុត​បាន​ដោយ​ខ្សែប្រយុទ្ធ​ចាស់​វស្សា Zlatan (ប៉េណាល់ទី), Kessie, Leao និង​ Rebic ។

ក្រោយ​ចប់​ប្រកួត Zlatan Ibrahimovic បាន​ផ្តល់​សម្ភាសន៍​ថា៖ “បើ AC Milan ចុះកុងត្រាជាមួយខ្ញុំតាំងពីដើមរដូវកាលមក ពេលនេះយើងនៅឈរកំពូលតារាងបាត់ទៅហើយ”

មិត្តរួមក្រុម មកអបអរគ្រាប់បាល់របស់ Zlatan

​លទ្ធផល​យក​បាន ៣ ពិន្ទុ​នេះ​ជួយ​ឲ្យ Milan ​ឡើង​មក​ឈរ​លេខ ៥ មាន​ ៤៩ ពិន្ទុ​បន្ត​ក្ដី​សង្ឃឹម​បាន​កៅអី​ស្វ័យ​ប្រវត្តិ​លេង​ពាន​លំដាប់​ទី២អឺរ៉ុប Europa League រដូវកាល​ក្រោយ។

​ចំណែក​ឯ Juventus ​បន្ត​ឈរ​កំពូល​តារាង​ដដែល មាន ៧៥ ពិន្ទុ​ (លើស៧ពិន្ទុ) ​ពី​ Lazio ដែល​នៅ​ឈរ​លេខ២ មាន ៦៨ ពិន្ទុ​សប្ដាហ៍​ទី​៣១ នៅ​សល់ ៧ ប្រកួត​ទៀត​នឹង​បិទ​បញ្ចប់​រដូវកាល៕

ទស្សនា​វីដេអូ​ហាយឡាយ​ខាងក្រោម៖

ប្រភព៖ Goal ប្រែ​សម្រួល៖ រក្សា

អត្ថបទថ្មី
;