ព្រោះតែបែបនេះ គីម ជុងអ៊ីល ហ៊ានបំផ្ទុះសាលារៀនដែលខ្លួនធ្លាប់រៀនពីក្មេង!

2020-07-10 01:41:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទោះត្រូវជាកូនរបស់បិតាស្ថាបនិកកូរ៉េខាងជើងក៏ដោយ លោក គីម ជុងអ៊ីល ក៏ត្រូវចូលរៀននៅក្នុងសាលារៀនដូចប្រជាជនទូទៅផងដែរ។ សាលាដែលអតីតមេដឹកនាំកូរ៉េខាងជើងរូបនេះរៀនសូត្រកាលពីកុមារភាពមានឈ្មោះថា Namsan។ លោកបានបញ្ចប់ការសិក្សានៅទីនោះក្នុងឆ្នាំ១៩៦០។

លោក គីម ជុងអ៊ីល អតីតមេដឹកនាំកូរ៉េខាងជើង

ច្រើនឆ្នាំក្រោយមក បន្ទាប់ពីទទួលបានតំណែងគ្រប់គ្រងដែនដីកូរ៉េខាងជើង លោក គីម ជុងអ៊ីល បានបញ្ជាឲ្យយោធាទៅបំផ្ទុះសាលារៀនមួយនោះចោល។ មូលហេតុព្រោះសាលា Namsan បានទទួលយកសិស្សដែលមានឋានៈធម្មតាមកសិក្សា មិនមែនជ្រើសយកតែសិស្សដែលជាកូនអភិជនឬមន្ត្រីរាជការទៀតឡើយ។ មួយវិញទៀត លោក គីម មានសេចក្ដីបារម្ភក្នុងចិត្តថាសាលានោះនឹងផ្ដល់ចំណេះដឹងឲ្យសិស្សច្រើនពេក ដែលអាចក្លាយជាការប្រកួតប្រជែងជាមួយនឹងកូនរបស់លោក។

សូមរំលឹកថា លោក គីម ជុងអ៊ីល គឺជាអតីតមេដឹកនាំទី២របស់កូរ៉េខាងជើង ដែលបានកាន់តំណែងបន្តពីឪពុកលោក គីម អ៊ីលស៊ុង កាលពីថ្ងៃទី៨ ខែកក្កដា ឆ្នាំ១៩៩៤។ លោក គីម ជុងអ៊ីល បានទទួលមរណភាពនៅថ្ងៃទី១៧ ខែធ្នូ ឆ្នាំ២០១១។ មរណភាពរបស់លោកត្រូវគេសង្ស័យថាបណ្ដាលមកពីជំងឺគាំងបេះដូង។ អ្នកដែលកាន់តំណែងបន្តគឺលោក គីម ជុងអ៊ុន ដែលជាកូនប្រុសទី២របស់លោក៕

ប្រភព៖ 11Points ប្រែសម្រួល៖ ឈាង.