ខ្សែប្រយុទ្ធម្នាក់នេះលេងនៅ Premier League ស៊ុតចូល ១៩គ្រាប់ គ្មានបាល់ពិន័យ (ប៉េណាល់ទី)

2020-07-13 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ Danny Ings បច្ចុប្បន្នកំពុងលេងឲ្យក្លឹប Southampton អាចស៊ុតបញ្ចូលទីបានដល់ទៅ ១៩ គ្រាប់ ជាប់លេខ៤ លើតារាង (Top scorer) ក្នុងក្របខ័ណ្ឌ Premier League ។

អតីតកីឡាករ Liverpool រូបនេះ រកបានគ្រាប់បាល់ទាំង ១៩ កើតចេញពីបច្ចេកទេសអូសស៊ុត និងបញ្ចូនដោយមិត្តរួមក្រុមទាំងអស់ ពោលគឺគ្មានមួយគ្រាប់ណាឡើយ បានពីការបង្កកំហុសយកបាល់ពិន័យ ១១ ម៉ែត្រ ឬ (ប៉េណាល់ទី) ប៉ុន្តែគេ Assist បានតែ ២ ដងគត់ឲ្យមិត្តរួមក្រុម ។

ខ្សែប្រយុទ្ធវ័យ ២៧ ឆ្នាំរូបនេះ ក៏កំពុងបង្កើតបានកំណត់ត្រា ក្លាយជាអ្នកស៊ុតចូលច្រើនបំផុតឲ្យក្លឹប ដោយគ្មានបាល់ពិន័យ (ប៉េណាល់ទី) ក្រោយបង្ហាញខ្លួន ៣៤ ដងឲ្យក្លឹបរដូវកាល ២០១៩-២០២០។

គ្រាប់ទី១៩ Danny Ings ស៊ុតចូលក្រុម Everton /រូបថតក្លឹប៖ SouthamptonFC

រំឮកដែរថា Dany Ings ធ្លាប់លេងឲ្យ ហង្សក្រហម តាំងពីឆ្នាំ ២០១៥-២០១៨ ទើបនឹងត្រូវបានក្លឹបដាក់ឲ្យខ្ចីជើងឆ្នាំ ២០១៩ មកក្លឹប Southampton ដែលជាក្លឹបមានទំនាក់ទំនងគ្នាល្អរឿងដោះដូរកីឡាករយូរឆ្នាំហើយ។ Ings នៅទឹកដី Anfield មិនសូវកាក់កបសោះ រូបគេចូលលេងបាន ២៥ ដងស៊ុតបញ្ចូលទីបានតែ ៤ គ្រាប់គត់

សម្រាប់លទ្ធផលជារួម ក្លឹប Southampton កំពុងឈរលេខ ១២(ជាងពាក់កណ្ដាលតារាង) មាន ៤៤ ពិន្ទុសប្ដាហ៍ទី ៣៥ ឯលីគនៅសល់ ៣ ប្រកួតទៀតនឹងបិទរដូវកាល។ ដូចនេះ ពួកគេបន្តក្ដីសង្ឃឹមរក្សាកៅអីលេង Premier League រដូវកាលក្រោយតទៀតបានដោយមិនបារម្ភ។

ទស្សនាបច្ចេកទេសលេងរបស់ Dany Ings ស៊ុតចូល១៨គ្រាប់