ខ្លួន​មិន​សូវ​ធំ តែ​មុខ​កំប៉ោង​ខ្លាំង ធ្វើ​ម៉េច​អាច​សម្រក​សាច់​មុខ​បាន?

  • 2020-07-14 06:02:10
  • ចំនួនមតិ 0 | ចំនួនចែករំលែក 0

ចន្លោះមិនឃើញ


មនុស្ស​មួយ​ចំនួន​បាន​លើក​ឡើង​ជា​ចម្ងល់​ថា ពួក​គេ​មាន​មាឌ​មិន​សូវ​ជា​ធំ​ប៉ុន្មាន​នោះ​ទេ តែ​បើ​មើល​មុខ​វិញ​គឺ​ឡើង​ប៉ោង​ខ្លាំង​​ហើយ​សម្បូរ​​សុទ្ធ​តែ​ខ្លាញ់​ទៀត។ ដើម្បី​ដោះស្រាយ​បញ្ហា​​មុខ​ប៉ោង​ខ្លាំង​នេះ មាន​វិធី​សាស្ត្រ​ដែល​គួរ​អនុវត្ត​មួយ​ចំនួន​ដូច​ខាង​ក្រោម៖

១. ធ្វើ​លំហាត់​ប្រាណ​សាច់​មុខ

  • និយាយ​អក្សរ "X" និង "O" ឆ្លាស់​គ្នា​ឲ្យ​បាន​២០​ដង​​ជា​រៀងរាល់​ព្រឹក
  • បឺត​សាច់​ថ្ពាល់​​ចេញ​ចូល​​ដូច​ត្រី​ឲ្យ​បាន ២០​ដង​ជា​ប្រចាំ​ថ្ងៃ (ពេល​បឺត​ថ្ពាល់​ចូល​ទុក​ឲ្យ​បាន ៥​វិនាទី​សឹម​បន្ធូរ​វា​ចេញ​វិញ)
  • ហា​មាត់​ឲ្យ​ធំ​រួច​រាប់​ដល់​៥វិនាទី​សឹម​បិទ​មាត់​វិញ (ធ្វើ​ដូច្នេះ​ឲ្យ​បាន ៣០​ដង​ក្នុង​១ថ្ងៃ)
  • ស្រូប​ខ្យល់​ចូល​មាត់​ រួច​បិទ​មាត់​ឲ្យ​ជិត ហើយ​រំកិល​ខ្យល់​ក្នុង​មាត់​ទៅ​ឆ្វេង​ទៅ​ស្ដាំ ដើម្បី​ធ្វើ​លំហាត់​ប្រាណ (៥​នាទី​ក្នុង​១​ថ្ងៃ ដោយ​ធ្វើ​ពេល​ណា​ក៏​បាន ហើយ​ម្ដង​ធ្វើ​ប៉ុន្មាន​នាទី​ក៏​បាន​ឲ្យ​តែ​គ្រប់​៥​នាទី)
  • ម៉ាស្សា​សាច់​មុខ​ដោយ​ប្រើ​ម្រាម​ដៃ (ធ្វើ​តាម​លេខ​រៀង​នៅ​ក្នុង​រូប)

២. ផ្លាស់ប្ដូរ​ទម្លាប់​រស់នៅ​មួយ​ចំនួន

  • កំណត់​គោលដៅ​ច្បាស់​លាស់​ថា​ខ្លួន​ចង់​សម្រក​​ខ្លាញ់

  • ប្ដូរ​​របប​​អាហារ​មួយ​ចំនួន ដែល​ធ្វើ​ឲ្យ​មុខ​ប៉ោង ដូចជា គ្រឿង​ភេសជ្ជៈ​​ដែល​មាន​សារធាតុ​កាបូន​ឌីអុកស៊ីត ផលិតផល​ធ្វើ​ពី​ទឹក​ដោះ​គោ និង​អាហារ​ប្រៃ​​ ជា​ដើម

  • មាន​ទម្លាប់​ហាត់​ប្រាណ​ជា​ប្រចាំ (ការ​ហាត់​ប្រាណ​នឹង​ធ្វើ​ឲ្យ​គ្រប់​ផ្នែក​នៃ​រាងកាយ​សម្រក​ជាតិ​ខ្លាញ់​បាន)
  • គេង​ឲ្យ​បាន​គ្រប់គ្រាន់​ជាង​មុន ដើម្បី​ជំរុញ​ឲ្យ​ប្រព័ន្ធ​អង់ដូគ្រីន​ក្នុង​រាងកាយ​ដំណើរ​ការ​បាន​ល្អ
  • ផឹក​ទឹក​ឲ្យ​បាន​ច្រើន
  • បញ្ឈប់​ការ​ទទួល​ទាន​ជាតិ​អាកុល

៣. ស្វែង​រក​ប្រឹក្សា​ពី​អ្នក​ជំនាញ

  • ជួប​គ្រូ​ពេទ្យ​ដើម្បី​វិភាគ​រក​បញ្ហា​ដែល​ធ្វើ​ឲ្យ​សាច់​មុខ​ចេះ​តែ​រីក​ប៉ោង​ធំ
  • ប្រភេទ​ថ្នាំ​មួយ​ចំនួន​ដែល​អ្នក​កំពុង​ប្រើប្រាស់​អាច​មាន​ប្រតិកម្ម​ ដែល​​ជា​ហេតុ​ធ្វើ​ឲ្យ​សាច់​មុខ​​ចេះ​តែ​ឡើង​ប៉ោង ដូច្នេះ​គួរ​សួរ​នាំ​អ្នក​ជំនាញ​ពី​រឿង​នេះ
  • វះកាត់​កែ​សម្ពស្ស (ប្រឹក្សា​ជាមួយ​អ្នក​ជំនាញ​ជា​មុន​សិន)៕

ប្រភព៖ Wikihow ប្រែ​សម្រួល៖ ឈាង.

អត្ថបទថ្មី
;