ម៉ូតូដ៏ពេញនិយម Honda Click កម្លាំងម៉ាស៊ីន 125i និង150i ស៊េរីឆ្នាំ ២០២០ កំពុងតែមានប្រជាប្រិយភាពច្រើនពីអ្នកនិយមជិះប្រភេទលេខអូតូ។

Honda Click ទាំង ២ ជម្រើសស៊េរីថ្មីនេះ ដាក់លក់នៅលើទីផ្សារអាចមានតម្លៃខុសគ្នាចន្លោះ ៥០០ដុល្លារ និងមានពណ៌គឺ ពណ៌ខ្មៅលាយទឹកក្រូច សលាយទឹកក្រូច(កម្លាំង ១៥០) ឯកម្លាំង ១២៥ ពណ៌ច្រើនដូចជា លឿងសុទ្ធ សលាយក្រហម ពណ៌ខៀវ ពណ៌ខ្មៅ និងពណ៌ក្រហម។

តាមប្រភពពីហាងនៅម្ដុំគិរីរម្យ តម្លៃលក់នៅបច្ចុប្បន្នសម្រាប់កម្លាំងម៉ាស៊ីន 150i មានតម្លៃខ្ទង់ ៣ ៣៥០ ដុល្លារ និងកម្លាំងម៉ាស៊ីន 125i មានតម្លៃខ្ទង់ ២ ៧៥០ ដុល្លារ (តម្លៃអាចខុសគ្នាតិចតួចពីហាងមួយទៅហាងមួយ)។

Honda Click ស៊េរីថ្មីមានដូចជា បំពាក់អំពូលភ្លើង LED កន្ទុយភ្លើងក្រោយជាប្រភេទ LED រចនាចង្កៀងបែបថ្មី ប្រើប្រព័ន្ធហ្វ្រាំងថាស មានបន្ថែមស្តុបឲ្យសញ្ញាពីរ លៀនចេញក្រៅ កុងទ័រអេឡិចត្រូនិច សោឆ្លាតវៃ (Smart Key) ធុងផ្ទុកប្រេងឥន្ធនៈមានចំណុះ ៥,៥ លីត្រ ទម្ងន់សរុបមិនគិតពីប្រេងឥន្ធនៈគឺ ១០៩ គីឡូក្រាម និងឃ្លុបដាក់ឥវ៉ាន់ក្រោមកែបមានទំហំធំ៕

ចុចអាន៖

• Kia K5 ឆ្នាំ២០២១ រាង តម្លៃ និងកម្រិតស៊ីសាំងប៉ុណ្ណឹង ទប់ចិត្តបានអត់?

• Subaru Crosstrek ឆ្នាំ២០២១ កែមុខថ្មី ខ្លាំងជាងមុន តម្លៃចាប់ពី ២ម៉ឺនដុល្លារ

បញ្ជាក់៖ តម្លៃអាចប្រែប្រួលបន្ទាប់ពីចុះផ្សាយ។