មានឧបករណ៍របស់អ៊ីស្រាអែលមួយនេះ ធ្វើតេស្តរកកូវីដនឹងដឹងលទ្ធផលភ្លាមៗមិនដល់១នាទីឡើយ
- 2020-07-24 03:04:02
- ចំនួនមតិ 0 | ចំនួនចែករំលែក 0
មានឧបករណ៍របស់អ៊ីស្រាអែលមួយនេះ ធ្វើតេស្តរកកូវីដនឹងដឹងលទ្ធផលភ្លាមៗមិនដល់១នាទីឡើយ
ចន្លោះមិនឃើញ
ខណៈមានការរីករាលដាលជំងឺកូវីដ១៩ខ្លាំងនៅលើពិភពលោក ក្រុមហ៊ុនអ៊ីស្រាអែល NanoScent កំពុងផលិតឧបករណ៍ពិនិត្យផ្លូវដង្ហើមមួយប្រភេទដើម្បីធ្វើតេស្តរកវីរុសកូវីដ១៩ ដោយវានឹងដឹងលទ្ធផលភ្លាមៗត្រឹម ៣០វិនាទីប៉ុណ្ណោះ។
ក្រុមហ៊ុននេះឱ្យដឹងថា ការសាកល្បងឧបករណ៍ខាងលើ ត្រូវបានធ្វើឡើងយ៉ាងទូលំទូលាយនៅក្នុងប្រទេសអ៊ីស្រាអែល ក្នុងនោះវាបានផ្តល់នូវលទ្ធផលក្នុងកម្រិតត្រឹមត្រូវដល់ ៨៥%ឯណោះ។ ឧបករណ៍នេះ នឹងអាចទទួលបានការយល់ព្រមពីរដ្ឋាភិបាលប៉ុន្មានខែខាងមុខនេះ ក្នុងការបញ្ចេញលក់។
យ៉ាងណាមិញ លោក Oren Gavriely ដែលជានាយកក្រុមហ៊ុន បានបញ្ជាក់បន្ថែមថា ឧបករណ៍វិភាគផ្លូវដង្ហើមនេះ មិនមែនសម្រាប់ជំនួសការធ្វើតេស្តរកកូវីដ១៩ ក្នុងមន្ទីរពិសោធន៍ឡើយ ប៉ុន្តែជាឧបករណ៍មួយដែលជួយឱ្យមនុស្សទទួលបានទំនុកចិត្តជាងមុន ក្នុងការវិលទៅរកជីវភាពធម្មតាវិញ៕