ក្រោយយកពន្ធ! តើកម្ពុជា នាំចេញអង្ករទៅទីផ្សារអឺរ៉ុប កើនឡើង ឬធ្លាក់ចុះ?

2020-08-10 01:23:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គនាយកដ្ឋានកសិកម្ម បានឱ្យដឹងថា ការនាំចេញអង្ករកម្ពុជាទៅកាន់ទីផ្សារអឺរ៉ុបក្នុងរយៈពេល ៧ខែ ឆ្នាំ២០២០ មានការកើនឡើងចំនួន ៣៧,៧% បើប្រៀបធៀបនឹងរយៈពេលដូចគ្នាក្នុងឆ្នាំ២០១៩ ពោលគឺ ៧ខែឆ្នាំ២០១៩ មានចំនួន ១០៤ ៧៥៦តោន និង ៧ខែ ឆ្នាំ២០២០ មានចំនួន ១៤៤ ២៤៧តោន។

សូមរំលឹកថា កាលពីខែមករា ឆ្នាំ២០១៩ សហភាពអឺរ៉ុប បានចាប់ផ្តើមគិតពន្ធលើអង្ករកម្ពុជា ចំនួន៤ប្រភេទ ដែលនឹងធ្វើឱ្យកម្ពុជា ខាតបង់លើការបង់ពន្ធនេះ ប្រមាណ ៥០លានដុល្លារក្នុង១ឆ្នាំ។ EU បានសម្រេចកំណត់ពន្ធតម្លៃ ១៧៥អឺរ៉ូ ក្នុងអង្ករ១តោននៅឆ្នាំដំបូង បន្ទាប់មកអត្រាដកហូតពន្ធគយនឹងធ្លាក់ចុះដល់ចំនួន ១៥០អឺរ៉ូនៅឆ្នាំទីពីរ ហើយនៅឆ្នាំទី៣ អត្រាពន្ធគយលើអង្ករនាំចូលពីកម្ពុជា នឹងធ្លាក់ចុះមកនៅត្រឹម១២៥អឺរ៉ូ ហើយនៅឆ្នាំបន្តបន្ទាប់តម្លៃនឹងធ្លាក់ចុះបន្ថែមផងដែរ៕