ប្ដីប្រពន្ធសាន់ ឆាយរកបានក្បែរ ៣លានដុល្លារ ដោយគ្រាន់តែចូលរួមក្នុងកម្មវិធីមួយ

2020-08-13 03:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដោយសារតែជំនួញរកស៊ីត្រូវឡុងចុង ប្ដីប្រពន្ធកំពូលតារាសម្ដែងស្រីតៃវ៉ាន់ Barbie Hsu ត្រូវចូលរួមថតកម្មវិធីកម្សាន្តដើម្បីរកលុយបន្ថែម។

កាលពីថ្ងៃទី ១២ ខែសីហាមុននេះ បណ្ដាញព័ត៌មាន Sohu បានរាយការណ៍ថា តារាសម្ដែងស្រីជើងចាស់តៃវ៉ាន់ ព្រមទាំងប្ដី ក្រោយពេលបាត់មុខពីសិល្បៈ ចុងបញ្ចប់ក៏យល់ព្រមទទួលថតកម្មវិធីថ្មី។ ប្រភពដដែលបានប្រាប់ថា អ្នកទាំង២ទទួលបានតម្លៃខ្លួនដល់ទៅ ២.៩លានដុល្លារ (ក្រោយបង់ពន្ធរួច)។

លើកចុងក្រោយតួរឿង ស្នេហាបួនដួង ទទួលថតកម្មវិធីគឺតាំងពិឆ្នាំ ២០១៨។ បច្ចុប្បន្ន ដោយសារតែវិបត្តិកូវីដ ១៩ គ្រប់ជំនួញរបស់តារាស្រីនេះ និងប្ដីរបស់នាង គឺត្រូវឡុងចុងទាំងអស់ ដែលបង្ខំឲ្យពួកគេត្រូវចូលសិល្បៈវិញដើម្បីរកចំណូលក្រៅ ទាំងពួកគេមានអាយុច្រើនហើយ មិនអាចថតច្រើនម៉ោងដូចមុនក៏ដោយ។

ក្នុងកម្មវិធីនេះ សាន់ ឆាយចែកពីជីវិតជាម្ដាយរបស់ខ្លួន ដែលទស្សនិកជនមិនធ្លាប់ដឹង។ ក្នុងរយៈពេល ៨ឆ្នាំចុងក្រោយ ស្រីស្អាត ៤៤ឆ្នាំអត់មានរឿងថ្មីឡើយ ដោយសារតែនាងចង់សម្ដែងតួឯក តែផលិតករចង់ឲ្យនាងសម្ដែងតែតួរង ត្បិតអាយុជ្រេដែរហើយ៕